এফালে ক’ৰোনা ,আনফালে লকডাউনে যেন চেপি খুন্দি আনিছে খাটি খোৱা লোকৰ জীৱন৷জীৱিকাৰ তাড়নাত বহি:ৰাজ্যলৈ যোৱা বহু শ্ৰমিক এতিয়া পদব্ৰজে উভটিছে নিজৰ ঘৰলৈ৷ ঘৰলৈ ওভতাৰ পথতে আজি মহাৰাষ্ট্ৰৰ ঔৰংগাবাদ জিলাত সংঘটিত হ’ল এটা অত্যন্ত শোকাৱহ ঘটনা৷ ৰাজ্যখনৰ ভুছৱাল নামৰ ঠাইৰ পৰা জালনালৈ শ্ৰমিকৰ দুটা দল খোজকাঢ়ি ৰাওনা হৈছিল ৷ লক্ষ্য আছিল মধ্যপ্ৰদেশৰ নিজৰ গাঁৱলৈ বুলি এখন শ্ৰমিক স্পেচিয়েল ট্ৰেইনত উঠা৷ দীঘলীয়া সময় ধৰি প্ৰায় ৪৫ কিলোমিটাৰ খোজকঢ়াৰ ফলত তেওঁলোকৰ ভাগৰ লাগে আৰু ৰেলৱে ট্ৰেকৰ ওপৰতে শুই পৰে৷ নন্দেদ সংমণ্ডলৰ বদনাপুৰ আৰু কাৰমাদ ৰেলৱে ষ্টেচনত মাজত শ্ৰমিককেইজন শুই থকাৰ সময়তে তেওঁলোকৰ গাৰ ওপৰেদি পাৰ হৈ যায় এখন খালী মালবাহী ৰেল৷এই ঘটনাত ১৪ গৰাকী শ্ৰমিকৰ থিতাতে মৃত্যু হোৱাৰ লগতে আন দুজন শ্ৰমিক গুৰুতৰভাৱে আহত হয়৷ ৰাতিপুৱা প্ৰায় ৫.১৫ বজাত এই দুৰ্ঘটনা সংঘটিত হয় ৷প্ৰধানমন্ত্ৰী নৰেন্দ্ৰ মোদীয়ে শ্ৰমিক কেইজনৰ মৃত্যুত গভীৰ শোক প্ৰকাশ কৰিছে৷
Extremely anguished by the loss of lives due to the rail accident in Aurangabad, Maharashtra. Have spoken to Railway Minister Shri Piyush Goyal and he is closely monitoring the situation. All possible assistance required is being provided.
— Narendra Modi (@narendramodi) May 8, 2020
- Donation -
Click here to like us on Facebook. Don’t miss our video reports as well. Click here to subscribe us on Youtube.
