এই জাহাজ মাস্তুল ছাৰখাৰ , তবু স্বপ্ন দেখছি বাৰবাৰ ৷- এটা দশক আগতে এই গীত লিখিছিল ভাৰতীয় সংগীতৰ উদীয়মান নক্ষত্ৰ অনুপম ৰায়ে ৷ এটা দশক পাছত আজি নিজেই মুখামুখি হৈছে এক বিধ্বস্ত ব্যক্তিগত জীৱনৰ ৷ কিছুদিন পূৰ্বে পাঁচ বছৰীয়া বৈবাহিক জীৱনত অন্ত পেলাই তেও ঘোষণা কৰিছে বিবাহ বিচ্ছেদ ৷ ইয়াৰ পাছতো প্ৰেমৰ ওপৰত তেওৰ বিশ্বাস অটুট আছেনে ? এই প্ৰশ্নই অনুপম ৰায়ক সুধিছিল আনন্দ বাজাৰ পত্ৰিকাই ৷ উত্তৰত বিশিষ্ট সংগীত পৰিচালকজনে ক’লে –‘যি হৈছে , সেয়া আমাৰ জীৱনৰ বাবে এক বৃহৎ ক্ষতি ৷ এনে পৰিস্থিতিত মানুহৰ ভালপোৱাৰ প্ৰতি থকা বিশ্বাস নোহোৱা হৈ যাব পাৰে ৷ কিন্তু এতিয়া মই দুখৰ এখন সংকীৰ্ণ লেন্সেৰেহে দেখি আছো ৷ আমাৰ জীৱনত যি ঘটিল , তাৰে এটা বৃহৎ বিষয়ক মূল্যায়ন কৰা অনুচিত ৷’
বিবাহ বিচ্ছেদক লৈ অনুপম ৰায়ৰ স্বীকাৰোক্তি –‘আমাৰতো ভাল সময়ো পাৰ হৈ গৈছে ৷ ভীষণ কাষৰ অনেক স্মৃতি আছে ৷ সেইবিলাকৰ কি একো দাম নাই ? তাৰোতো দাম আছে ৷ এতিয়া আমাৰ বেয়া সময় চলিছে ৷ কিন্তু সেই বুলি পুৰণি সময়বোৰ মিছা হৈ যোৱা নাই ৷ এটা দীঘলীয়া সম্পৰ্কৰ প্ৰভাৱ চিৰজীৱন থাকি যায় ৷ ভালপোৱাৰ ওপৰত আস্থা হেৰুৱাব বিচৰা নাই ৷’
ৰাতি দুপৰৰ আব্দাৰ আৰু নাৰাখিলেও ভালপোৱাৰ ওপৰত আস্থা হেৰুৱাব নোখোজে অনুপম ৰায়ে ৷
