দিপাৱলীৰ দিনটোত দেশৰ সৈনিকসকলক শুভেচ্ছা জ্ঞাপন কৰিবলৈ প্ৰধানমন্ত্ৰী নৰেন্দ্ৰ মোদী উপস্থিত হ’ল জন্মু – কাশ্মীৰৰ নৌছেৰাত ৷ সেনা জোৱানসকলক শুভেচ্ছা জ্ঞাপন কৰি প্ৰধানমন্ত্ৰী মোদীয়ে কয়-‘মই নিজৰ পৰিয়ালৰ সৈতে দিপাৱলী উদযাপন কৰিব বিচাৰো ৷ সেয়ে আজি আপোনালোকৰ মাজলৈ আহিছো ৷’ সেনা জোৱানৰ শক্তি আৰু সাহসে দেশৰ শান্তি আৰু সুৰক্ষা সুনিশ্চিত কৰিছে বুলিও তেও মন্তব্য কৰে ৷ প্ৰধানমন্ত্ৰীগৰাকীয়ে লগতে কয় যে ভাৰতৰ প্ৰতিৰক্ষা ক্ষেত্ৰ পূৰ্বতে মূলত: আমদানিৰ ওপৰত নিৰ্ভৰ কৰিছিল ৷ কিন্তু বৰ্তমানৰ চৰকাৰৰ আপ্ৰান চেষ্টাৰ ফলত স্বদেশী ক্ষমতা বৃদ্ধি পাইছে ৷ বৈশ্বিক পৰিৱৰ্তন আৰু যুদ্ধৰ পৰিৱৰ্তনশীল কৌশল অনুসাৰে নিজৰ সেনা বাহিনীৰ ক্ষমতা অধিক বৃদ্ধি কৰিব লাগিব ৷ সীমান্ত আধুনিক প্ৰযুক্তিৰ ব্যৱহাৰ বৃদ্ধিৰ ওপৰতো তেও গুৰুত্ব আৰোপ কৰে ৷
ছাৰ্জিকেল ষ্ট্ৰাইকৰ কথা উল্লেখ কৰি তেও পুণৰ কয় যে ছাৰ্জিকেল ষ্ট্ৰাইকৰ পাছৰে পৰা সন্ত্ৰাসবাদ বৃদ্ধিৰ বহু চেষ্টা চলোৱা হৈছে যদিও তাৰ সমুচিত প্ৰত্যুত্তৰ দি অহা হৈছে ৷ লাডাখৰ পৰা অৰুণাচল প্ৰদেশ , জয়ছালমিৰৰ পৰা আন্দামান নিকোবৰলৈকে সীমান্তৱৰ্তী অঞ্চলত যাতায়তৰ সুবিধাও সুচল কৰা হৈছে ৷ ইয়াৰ জড়িয়তে সেনাৰ সঞ্চালনত অধিক সুবিধা হৈছে ৷
