বিশ্ববিশ্ৰুত ফুটবলাৰ মেছিৰ চকুৰ চকুলোৱে দেওবাৰে তেওৰ অগণিত অনুৰাগীকো কন্দুৱাই গ’ল ৷আৰ্জেন্টিনাৰ ফুটবলাৰ গৰাকীয়ে স্পেনিছ ফুটবল ক্লাব বাৰ্ছিলোনাৰ পৰা বিদায় লোৱাৰ মুহূৰ্তত উচুপি উঠে ৷ দেওবাৰৰ দিনটোত এই দৃশ্য আছিল ফুটবলপ্ৰেমীসকলৰ বাবে হৃদয় বিদাৰক ৷ কিয়নো ,১৩ বছৰ বয়সৰ পৰাই মেছি বাৰ্ছিলোনাৰ সৈতে জড়িত হৈ পৰিছিল আৰু ২১ বছৰ বয়সৰ পৰা ক্লাবটোৰ হৈ খেলিবলৈ লৈছিল ৷ কিন্তু শেহতীয়াকৈ বাৰ্ছিলোনা ভয়াৱহ বিত্তীয় সংকটৰ সন্মুখীন হৈছে ৷ক্লাবটো প্ৰায় ৮০০০ কৌটিৰ ধাৰৰ বোজাৰ মাজত সোমাই পৰিছে ৷ ইফালে , ২০১৭ চনত বাৰ্ছিলোনাৰ লগত মেছিৰ চুক্তি হৈছিল ৪৯০০ কৌটিত ৷ সেয়ে নতুন চিজ’নত তেওলোকে মেছিক চুক্তিবদ্ধ কৰাৰ পৰা বিৰত থাকে ৷ এনে পৰিস্থিতিত মেছিয়ে তেওৰ দৰমহা আধালৈ হ্ৰাস কৰাৰ কথাও কৈছিল ৷ কিন্তু বাৰ্ছিলোনা তাৰ বাবেও সন্মত নহ’ল ৷ অৱশেষত দেওবাৰে চকুলো টুকি মেছিয়ে বাৰ্ছিলোনাৰ পৰা বিদায় ল’লে ৷ তেও পৰৱৰ্তী সময়ত পিএছজি ক্লাবৰ লগত চুক্তিবদ্ধ হোৱাৰ সম্ভাৱনা আছে ৷
Crosscurrent is an independent newsroom that produces investigative and analytical reporting with dedication. Crosscurrent is founded to uncover the truth behind the important issues. Crosscurrent is founded to cover the issues that matter.