চিকিৎসা বিজ্ঞানৰ স্নাতক আৰু স্নাতকোত্তৰ নামভৰ্তিৰ ক্ষেত্ৰত অন্যান্য পিছপৰা জাতি (অ’ বি চি)ৰ বাবে ২৭ শতাংশ সংৰক্ষণ বাহাল ৰাখিছে উচ্চতম ন্যায়ালয়ে ৷ নীটৰ ক্ষেত্ৰত এই সংৰক্ষণ প্ৰযোজ্য হৈ থাকিব বুলি ৰায়দান কৰি ন্যায়াধীশ ডি ৱাই চন্দ্ৰচূড় আৰু এ এছ বোপান্নাৰ বিচাৰপীঠে কয় যে পিছপৰা জাতিৰ বাবে আসন সংৰক্ষণে যোগ্যতাৰ ক্ষেত্ৰত কোনো বিৰূপ প্ৰভাৱ নেপেলায় ৷ ইয়াৰ পূৰ্বে বিগত ৭ জানুৱাৰীত দিয়া এক অন্তৰ্ৱৰ্তীকালীন নিৰ্দেশত ন্যায়ালয়ে চলিত বৰ্ষৰ স্নাতকোত্তৰ নামভৰ্তিৰ ক্ষেত্ৰত অ’ বি চিৰ বাবে সংৰক্ষণ বাহাল ৰাখি যোগ্যতা নিৰূপনৰ বাবে পৰিয়ালৰ সৰ্বোচ্চ বাৰ্ষিক আয় ৮ লাখ টকা নিৰ্ধাৰণ কৰিছিল ৷ তাৰ পাছত বৃহস্পতিবাৰে চূড়ান্ত ৰায়দান কৰি অ’ বি চিৰ বাবে সংৰক্ষণ বাহাল ৰাখে ৷ এই সন্দৰ্ভত শীঘ্ৰে বিতং ৰায় প্ৰকাশ পাব ৷
Crosscurrent is an independent newsroom that produces investigative and analytical reporting with dedication. Crosscurrent is founded to uncover the truth behind the important issues. Crosscurrent is founded to cover the issues that matter.