কংগ্ৰেছ নেতা ৰাহুল গান্ধীৰ টুইটাৰ একাউন্ট অস্থায়ী ৰূপত বন্ধ কৰাৰ বিৰুদ্ধে সোমবাৰে প্ৰতিবাদত নামিল এন এছ ইউ আই আৰু যুৱ কংগ্ৰেছৰ সদস্য ৷ কংগ্ৰেছৰ ভাতৃ সংগঠনৰ সদস্যসকলে আজি টুইটাৰৰ নতুন দিল্লীস্থিত কাৰ্যালয়ৰ সন্মুখত প্ৰতিবাদী কাৰ্যসূচী ৰূপায়ন কৰে ৷ প্ৰতিবাদকাৰীসকলে শীঘ্ৰে ৰাহুল গান্ধীৰ টুইটাৰ একাউন্ট মুকলি কৰি দিবলৈ দাবী জনোৱাৰ লগতে কাৰ কথা মতে টুইটাৰ একাউন্ট বন্ধ কৰা হৈছে বুলি প্ৰশ্ন উত্থাপণ কৰে ৷ উল্লেখ্য যে ,ৰাহুল গান্ধীয়ে শুকুৰবাৰে দিল্লীত ধৰ্ষিতা হোৱা কিশোৰী পৰিয়ালৰ লগত এখন ফটো টুইট কৰিছিল ৷ তাৰ পাছতে ৰাষ্ট্ৰীয় শিশু অধিকাৰ আয়োগে ৰাহউল গান্ধীলৈ জাননী জাৰি কৰিছিল আৰু উক্ত ফটো থকা টুইটটো আঁতৰাবলৈ কৈছিল ৷তাৰ পাছত শণিবাৰৰ পৰা ৰাহুল গান্ধীৰ টুইটাৰ একাউন্ট বন্ধ হৈ আছে ৷
Crosscurrent is an independent newsroom that produces investigative and analytical reporting with dedication. Crosscurrent is founded to uncover the truth behind the important issues. Crosscurrent is founded to cover the issues that matter.