এ আই ইউ ডি এফৰে মিত্ৰতা ত্যাগ কৰাৰ পাছত কংগ্ৰেছ দলক অভিনন্দন জনাইছে ৰাইজৰ দলৰ সভাপতি তথা শিৱসাগৰৰ বিধায়ক অখিল গগৈয়ে ৷ নতুন দিল্লীত সাংবাদিকৰ আগত তেও কয় যে কংগ্ৰেছ দলে এটা অতি সাহসী সিদ্ধান্ত লৈছে ৷ তাৰ বাবে এপিচিচিৰ সভাপতি ভূপেন বৰা আৰু তেওক সমৰ্থন দিয়া নেতাসকল ধন্যবাদৰ পাত্ৰ ৷ কিন্তু কংগ্ৰেছ দলৰ এই অভিযান ইমানতে শেষ হোৱাটো উচিত নহ’ব ৷কংগ্ৰেছে এতিয়া আঞ্চলিক দল আৰু বাওপন্থী শক্তিৰ লগত একেলগে মিত্ৰতা কৰি আগবঢ়া উচিত ৷
অখিল গগৈয়ে লগতে কয় যে কংগ্ৰেছ এতিয়া এক উদীয়মান শক্তি নহয় , এক অস্তমিত ৰাজনৈতিক শক্তি ৷ এই কথা দলটোৰ নেতৃত্বই উপলব্ধি কৰা উচিত ৷এনে পৰিস্থিতিত যদি কংগ্ৰেছে অকলে আন সকলোকে গ্ৰাস কৰিম বুলি ভাবে তেনেহ’লে এয়া আত্মঘাটী সিদ্ধান্ত হ’ব ৷কংগ্ৰেছে যদি আন দলক ঠাই এৰি নিদিয়ে তেনেহ’লে সেই ঠাই বিজেপিয়ে দখল কৰি ল’ব ৷
- Donation -
অহা উপ –নিৰ্বাচন আৰু ২০২৪ চনৰ লোকসভা নিৰ্বাচনত একেলগে আগবাঢ়িব পাৰিলেহে ভাল ফলাফল আশা কৰিব পাৰি বুলি তেও মন্তব্য কৰে ৷
