প্ৰয়াত প্ৰধানমন্ত্ৰী ৰাজীৱ গান্ধীৰ আজি কিমান সংখ্যক জন্মদিন ?

প্ৰয়াত প্ৰধানমন্ত্ৰী ৰাজীৱ গান্ধীৰ আজি ৭৭ সংখ্যক জন্ম জয়ন্তী ৷ পুৱাই বীৰ ভূমিলৈ গৈ কংগ্ৰেছ নেতা ৰাহুল গান্ধীয়ে প্ৰয়াত পিতৃলৈ শ্ৰদ্ধাঞ্জলি জ্ঞাপন কৰে ৷ তেওৰ লগত লোকসভাৰ নেতা অধীৰ ৰঞ্জন চৌধুৰীকে ধৰি কেবাজনো বিৰোধী নেতা উপস্থিত আছিল ৷

প্ৰয়াত প্ৰধানমন্ত্ৰীগৰাকীলৈ শ্ৰদ্ধা জ্ঞাপন কৰি নতুন দিল্লীত  বিশেষ ফটো প্ৰদৰ্শনীৰ আয়োজন কৰা হৈছে ৷ ইয়াৰ বাহিৰেও কংগ্ৰেছ দলৰ উদ্যোগত ৰক্তদান শিবিৰ , ক্ৰীড়া আৰু সাংস্কৃতিক অনুষ্ঠানৰো আয়োজন কৰা হৈছে ৷

ৰাজীৱ গান্ধীৰ জন্মদিনটো কংগ্ৰেছ দলে সদ্ভাৱনা দিৱস হিচাপে পালন কৰে ৷ সদ্ভাৱনা দিৱস উপলক্ষে দেশজুৰি বিভিন্ন অনুষ্ঠানৰ আয়োজন কৰিছে যুৱ কংগ্ৰেছে ৷

প্ৰধানমন্ত্ৰী নৰেন্দ্ৰ মোদীয়েও টুইটযোগে ৰাজীৱ গান্ধীলৈ শ্ৰদ্ধাঞ্জলি জনাইছে ৷