আফগানিস্তানৰ বিৰুদ্ধে টি ২০ বিশ্বকাপত প্ৰথম জয়ৰ মুখ দেখিলে ভাৰতে ৷ কিন্তু এতিয়াও ছেমি ফাইনেলত ভাৰতৰ প্ৰৱেশ নিৰ্ভৰ কৰিব নিউজিলেণ্ডৰ প্ৰদৰ্শনৰ ওপৰত ৷ কিন্তু আফগানিস্তানৰ বিৰুদ্ধে বিজয়ৰ পাছত ভাৰতীয় ক্ৰিকেট দলৰ উপ অধিনায়ক ৰোহিত শৰ্মাই অন্য এক মন্তব্য কৰিছে ৷ পূৰ্বৰ দুখন মেচত পৰাজয়ৰ বাবে তেও দলীয় সিদ্ধান্তকে জগৰীয়া কৰে ৷ তেও কয় –‘আফগানিস্তানৰ বিৰুদ্ধে আমাৰ দৃষ্টিভংগী অন্য ধৰণৰ আছিল ৷ যদি প্ৰথম মেচদুখনতো একেই দৃষ্টিভংগী থাকিলহেতেন , তেনেহলে ভাল হ’লহেতেন ৷ কিন্তু সেয়া নহ’ল ৷ বহুদিন ধৰি একেধাৰে ক্ৰিকেট খেলি থাকিলে এনে হোৱাটো অস্বাভাৱিক নহয় ৷ মাজে মাজে সঠিক সিদ্ধান্ত লোৱাৰ ক্ষেত্ৰত সমস্যাৰ সৃষ্টি হৈছে ৷ প্ৰথম দুখন মেচত সেয়াই দেখা গ’ল ৷’
চৰ্চা চলিছে যে বিৰাট কোহলিক উদ্দেশ্য কৰিয়েই ৰোহিত শৰ্মাই এই মন্তব্য কৰিছে ৷ৰাহুল দ্ৰাবিড়ে ভাৰতীয় ক্ৰিকেট দলৰ মুখ্য প্ৰশিক্ষকৰ দায়িত্ব লাভ কৰাৰ পাছত ৰোহিত শৰ্মাই টি২০ দলৰ অধিনায়কৰ দায়িত্ব লাভ কৰাৰ পূৰ্ণ সম্ভাৱনা আছে ৷
