ভাৰত – পাকিস্তান সীমান্তত  ব্যৰ্থ লস্কৰ – ই – তৈবাৰ আক্ৰমণ

জন্মু – কাশ্মীৰত সন্ত্ৰাসবাদীৰ এক ভয়াবহ দ্ৰোন আক্ৰমণৰ প্ৰচেষ্টা ব্যৰ্থ কৰে নিৰাপত্তাৰক্ষীয়ে ৷ সংবাদ প্ৰতিষ্ঠানৰ বাতৰি অনুসৰি , প্ৰায় ৫ কিলোগ্ৰাম আই ই ডি কঢ়িয়াই অনা এখন দ্ৰোন পাকিস্তানৰ দিশৰ পৰা আহি ভাৰতত প্ৰৱেশ কৰিছিল ৷ তেনেসময়তে কাশ্মীৰ আৰক্ষীয়ে আখনোৰৰ গুৰাহ পট্টন অঞ্চলত গুলীয়াই দ্ৰোনখন ভূপতিত কৰে ৷ এই ঘটনা ভাৰত – পাকিস্তান সীমান্তৰ এল অ” চিৰ নিচেই কাষতে সংঘটিত হয় ৷ সন্দেহজনক লস্কৰ –ই – তৈবা সন্ত্ৰাসবাদীয়ে দ্ৰোনৰ জড়িয়তে ভাৰতীয় বায়ুসেনাৰ ঘাটিত আক্ৰমণৰ চেষ্টা চলাইছিল বুলি আৰক্ষী সূত্ৰই প্ৰকাশ কৰিছে ৷ উল্লেখ্য যে দুদিন পাছত ৰাষ্ট্ৰপতি ৰামনাথ কোবিন্দৰ জন্মু , কাশ্মীৰ আৰু লাডাখ ভ্ৰমণ কৰাৰ কাৰ্যসূচী আছে ৷ তাৰ পূৰ্বে শুকুৰবাৰে পুৱাই সন্দেহজনক লস্কৰ – ই – তৈবাৰ এই আক্ৰমণে চাঞ্চল্যৰ সৃষ্টি কৰিছে ৷