ভাৰতত জনছন এণ্ড জনছন ভেকচিনক অনুমতি : এটা ড’জেই যথেষ্ট

কেন্দ্ৰীয় স্বাস্থ্য মন্ত্ৰালয়ে আমেৰিকাৰ কোম্পেনী জনছন এণ্ড জনছনক ভাৰতত কোভিড ভেকছিন প্ৰদানৰ অনুমতি প্ৰদান কৰিছে ৷ আজি কেন্দ্ৰীয় স্বাস্থ্যমন্ত্ৰী মনসুখ মাণ্ডব্যই এক টুইটযোগে এই কথা সদৰী কৰি কয় যে ভাৰতত এতিয়া ক’ৰোণা প্ৰতিষেধকৰ অধিক বিকল্প উপলব্ধ ৷ জনছন এণ্ড জনছনকো ভেকছিন প্ৰদানৰ অনুমতি প্ৰদান কৰা হৈছে ৷ ইয়াৰ ফলত ক’ৰোণা বিৰোধী সামগ্ৰিক যুদ্ধত ভাৰতে অধিক শক্তি লাভ কৰিব ৷

জৰুৰী পৰিস্থিতিত ১৮ বছৰৰ উৰ্ধৰ লোকসকলক এই ভেকছিন প্ৰদান কৰা হ’ব ৷ এই ভেকছিনৰ এটা ড’জ গ্ৰহণ কৰিলেই হ’ব ৷

ইয়াকে লৈ ভাৰতত এতিয়ালৈকে ক’ৰোণাৰ মুঠ ৫ টা ভেকছিন উপলব্ধ হ’ব ৷