বিগত ২৪ ঘন্টাত দেশত ৩হাজাৰতকৈ অধিক লোকৰ দেহলৈ ক’ৰোনা ভাইৰাছ সংক্ৰমিত হৈছে৷ইয়াৰ ভিতৰত অসমত কালিৰ দিনটোত আক্ৰান্ত হোৱা ৮ জন লোকো আছে ৷বৰ্তমান ভাৰতত ক’ৰোনা আক্ৰান্ত মুঠ লোকৰ সংখ্যা হ’ল ৫৬,৩৪২ গৰাকী৷ইয়াৰে ১৬ হাজাৰতকৈ অধিক ৰোগী ইতিমধ্যে সুস্থ হৈ উঠিছে আৰু ১৮৮৬ গৰাকীৰ মৃত্যু হৈছে৷কালি মহাৰাষ্ট্ৰত সৰ্বাধিক ১২০০ লোক এই ভাইৰাছত আক্ৰান্ত হোৱাৰ বিপৰীতে দিল্লীত ৪৪৮ টা নতুন পজিটিভ কেছ পোহৰলৈ আহে৷
• মহাৰাষ্ট্ৰত দেশৰ ভিতৰতে সৰ্বাধিক লোক ক’ৰোনাত আক্ৰান্ত হৈছে৷ৰাজ্যখনত ১৭,৯৭৪ গৰাকী লোক ন’ভেল ক’ৰোনাৰ দ্বাৰা সংক্ৰমিত হোৱাৰ বিপৰীতে ৬৯৮ গৰাকীৰ ইতিমধ্যে মৃত্যু হৈছে৷
• ক’ৰোনা সংক্ৰমিত ৰাজ্যৰ তালিকাত দ্বিতীয় স্থানত আছে গুজৰাট৷ গুজৰাটত ৭০১২ গৰাকী লোক আক্ৰান্ত হোৱাৰ বিপৰীতে ৪২৫ গৰাকীৰ মৃত্যু হৈছে৷
• তামিলনাডুত এতিয়ালৈকে ৫,৪০৯ গৰাকী লোকলৈ ক’ৰোনাৰ সংক্ৰমন হৈছে৷
• অসমত এই সময়লৈ ৫৩ গৰাকী লোক ক’ৰোনাত আক্ৰান্ত হৈছে ৷ইয়াৰে ৩৪ গৰাকী ইতিমধ্যে সুস্থ হৈ উঠিছে আৰু এজনৰ মৃত্যু হৈছে৷কালি ক’ৰোনাত আক্ৰান্ত হোৱা ৮ জন লোকৰ ভিতৰত ২ গৰাকী চিকিৎসকো আছে৷ইয়াৰে এগৰাকী গুৱাহাটী চিকিৎসা মহাবিদ্যালয়ৰ স্নাতকোত্তৰ মহলাৰ ছাত্ৰ৷এই ঘটনাৰ পাছতে জি এম চি এইচ পুনৰ নতুন ৰোগীৰ বাবে বন্ধ কৰি দিয়া হৈছে ৷বৰ্তমান ভৰ্তি হৈ থকা ৰোগীসকলক অন্য চিকিৎসালয়লৈ স্থানান্তৰ কৰা হ’ব৷
Although we are closing the hospital (GMCH)for new patients, special arrangements will be in place for patient already admitted and collection of new swab samples. Soliciting cooperation and understanding from all, in the interest of public safety.
— Himanta Biswa Sarma (@himantabiswa) May 8, 2020
- Donation -
Click here to like us on Facebook. Don’t miss our video reports as well. Click here to subscribe us on Youtube.
