জাভেদ আখতাৰে আৰ এছ এছক কিয় তালিবানেৰে ৰিজালে ?

তালিবানসকল বৰ্বৰ আৰু তেওলোকৰ কাম কাজ যে নিন্দনীয় তাত কোনো সন্দেহ নাই ৷কিন্তু তাৰ লগত এইটোও ক’ব লাগিব যে যিসকলে আৰ এছ এছ , বিশ্ব হিন্দু পৰিষদ , বজৰংগ দল আদিক সমৰ্থন কৰে তেওলোকৰ মানসিকতাও তেনেকুৱাই ৷- এই মন্তব্য কৰিছে প্ৰখ্যাত গীতিকাৰ , কবি জাভেদ আখতাৰে ৷এক টেলিভিছন সাক্ষাৎকাৰত তেও কয় যে আৰ এছ এছ , বজৰংগ দল আদিৰ উদ্দেশ্যও তালিবানৰ সৈতে একেই ৷ কিন্তু ভাৰতীয় সংবিধান তেওলোকৰ পথত হেঙাৰ হৈ আছে ৷সুযোগ পালে সেই সীমাও তেওলোকে অতিক্ৰম কৰিব ৷

জাভেদ আখতাৰে কয়- সমগ্ৰ বিশ্বৰ দক্ষিণপন্থী লোকসকলৰ বিচাৰধাৰা একেই ৷কেৱল নামৰ ক্ষেত্ৰতহে তাৰতম্য আছে ৷ যিসকলে আৰ এছ এছ , বিশ্ব হিন্দু পৰিষদক সমৰ্থন কৰি আহিছে তেওলোকে আত্মমন্থন কৰা উচিত ৷ তালিবানসকল নিশ্চিতভাৱে মধ্যযুগীয় মানসিকতাৰ ৷ কিন্তু আপুনি যাক সমৰ্থন কৰি আছে , তেওলোক তালিবানকৈ কিহত পৃথক , সেয়া বিচাৰ কৰি চোৱা উচিত ৷