ফেচবুক-বিজেপি সম্পৰ্ক: সংসদীয় কমিটিৰ ওচৰত জবাবদিহি হ’ব ফেচবুক, বিজেপিৰ ওলোটা খৰ
ফেচবুকে নিজৰ ব্যৱসায়ীক লাভালাভৰ বাবে বিজেপি দলৰ একাংশ নেতাৰ ‘ঘৃণা বিয়পোৱা মন্তব্য’ ৰ বিৰুদ্ধে কোনো ব্যৱস্থা নোলোৱা বাতৰিয়ে ধুমুহাৰ সৃষ্টি কৰিছে দেশৰ ৰাজনৈতিক মহলত।
Indian Express নামৰ বাতৰি কাকত খনে পৰাৰ কৰা এক বাতৰি অনুসৰি এতিয়া ‘পাৰ্লিয়ামেন্টেৰী ষ্টেণ্ডিং কমিটি ফৰ আই টিয়ে’ বিষয়টোৰ সন্দৰ্ভত ফেচবুকৰ পৰা স্পষ্টতা বিচাৰিব। গতিকে এতিয়া সাংসদীয় কমিটিৰ ওচৰত জবাবদিহি হ’ব ফেচবুক।
- Donation -
শেহতিয়াকৈ এক টুইটত উক্ত পাৰ্লিয়ামেন্টেৰী কমিটিৰ চেয়াৰমেন তথা কংগ্ৰেছৰ সাংসদ শশী থাৰোৰে কয় যে পাৰ্লিয়ামেন্টেৰী কমিটিয়ে “নাগৰিক সুৰক্ষা'(safeguarding citizens) অধিকাৰ আৰু ছ’ছিয়েল নিউজ মিডিয়া প্লেটফৰ্মৰ অপব্যৱহাৰ” বিষয়ৰ অধীনত আগতেও ফেচবুকক জবাবদিহি কৰিছে। গতিকে এই বিষয়টো কমিটিয়ে ফেচবুকক জবাবদিহি কৰিব।
Our Parliamentary committee will, in the normal course, consider testimony under the topic “Safeguarding citizens’ rights & prevention of misuse of social/online news media platforms”. The subject is squarely within the IT Cmt’s mandate& @Facebook has been summoned in the past. https://t.co/saoK8B7VCN
— Shashi Tharoor (@ShashiTharoor) August 16, 2020
অৱশ্যে পাৰ্লিয়ামেন্টেৰী কমিতিৰ এই পদক্ষেপৰ কথা ৰাজহুৱা হোৱাৰ পাছতে বিজেপি সাংসদ তেজাস্বী সূৰ্য্যা(Tejasvi Surya) ই ফেচবুকৰ বিৰুদ্ধে অভিযোগ আনি টুইট কৰে যে ছ’ছিয়েল মিডিয়া প্লেটফৰ্মটোৱে অবৈধ্যভাবে বহুতো হিন্দু জাতীয়তাবাদীৰ কণ্ঠৰোধৰ প্ৰচেষ্টা চলাই আহিছে। তেখেতে এই সন্দৰ্ভত যাৰ যি অভিযোগ আছে তেওঁক মেইল যুগে জনাবলৈ আহ্বান জনায় কয় যে ‘পাৰ্লিয়ামেন্টেৰী কমিটি অন আই টি’ ৰ সদস্য হিচাপে তেখেতে এই বিষয় সমূহ সাংসদীয় কমিটি খনৰ ওচৰত দাঙি ধৰিব বুলি জনায়।
Many have complained that Facebook is unfairly censoring many nationalist, pro-India or pro-Hindu voices
As member of Standing Committee on IT, I will take it up with concerned in appropriate forum.
Please send me your complaints, if any, on the issue to contact@tejasvisurya.in
— Tejasvi Surya (@Tejasvi_Surya) August 16, 2020
ফেচবুক আৰু বিজেপিৰ সম্পর্কৰ শেহতীয়া তথ্য ফাদিল হোৱাৰ পিছতে শাসকীয় দলটোৰ এই ওলোটা খৰে বিষয়টোৰ গাম্ভীৰ্যতাকে প্ৰমাণ কৰে।
