অমিত শ্বাহৰ ভিডিও দিয়াৰ বাবে ব্লক হ’ল ইউ টিউব চেনেল ৷ কি হৈছিল চাওক

ভাৰতৰ মূলসুঁতিৰ সংবাদ মাধ্যম কিদৰে চৰকাৰৰ গ্ৰাসত সোমাই পৰিছে তাক নতুনকৈ বাখ্যা কৰাৰ কোনো প্ৰয়োজন নাই ৷ তাৰ মাজতো ডিজিটেল সংবাদ মাধ্যমে সাহসেৰে শাসক পক্ষক সমালোচনা কৰি আহিছে , জনতাৰ প্ৰশ্নসমূহ উত্থাপণ কৰি আহিছে ৷ কিন্তু সেয়াও সহ্য কৰিব পৰা নাই শাসক পক্ষই ৷ শাসকীয় দলৰ নেতাক বিবুধিত পেলাব পৰা ভিডিও আপলোড কৰাৰ বাবেই এইবাৰ বন্ধ হৈ গ’ল এটা ইউ টিউব চেনেল ৷  উত্তৰ প্ৰদেশৰ কানপুৰৰ এখন সভাত এটা ৰোডশ্ব’ত অংশগ্ৰহণ কৰিবলৈ গৈছিল গৃহমন্ত্ৰী অমিত শ্বাহ ৷ কিন্তু সভাত ভিৰ কম দেখি খঙত জ্বলি পকি উঠিল অমিত শ্বাহ ৷ তেও আয়োজকসকলক খঙ কৰি ৰোড শ্ব’ বন্ধ কৰিবলৈও সকীয়াই দিলে ৷
এই ভিডিওটো লাভ কৰি ফ’ৰ পি এম নামৰ উত্তৰ প্ৰদেশৰ কাকতখনৰ সম্পাদক সঞ্জয় শৰ্মাই কাকতৰ ইউ টিউব চেনেলত আপলোড কৰে ৷ কিন্তু ভিডিও আপলোড কৰাৰ লগে লগে তেওৰ ইউ টিউব চেনেল বন্ধ হৈ পৰে ৷ ইউ- টিউবৰ পৰা কোনো ইমেইল বা আন তথ্য নজনোৱাকৈ ফ’ৰ পি এমৰ ইউ টিউব চেনেল বন্ধ কৰি দিয়া হ’ল ৷ এই ঘটনাক লৈ আৰক্ষীৰ ওচৰত এজাহাৰ দাখিল কৰিছে ফ’ৰ পি এমৰ সম্পাদক সঞ্জয় শৰ্মাই ৷ কি হৈছিল সঞ্জয় শৰ্মাৰ লগত , সেয়া তেও সত্য হিন্দীৰে হোৱা এক সাক্ষাৎকাৰত বিতংকৈ অৱগত কৰিছে ৷