আজি পুৱা ৮ বজাৰ লগে লগে ৰাছিয়াই ইউক্ৰেইনৰ ওপৰত আক্ৰমণ আৰম্ভ কৰে ৷ এই মিছাইল আক্ৰমণত ৮ জন লোকৰ মৃত্যু হয় ৷ ইফালে , ইউক্ৰেইনে ৰাছিয়াৰ ৬ খন যুঁজাৰু বিমান ভূপতিত কৰাৰ দাবী কৰিছে ৷ সংবাদ প্ৰতিষ্ঠানৰ বাতৰি অনুসৰি , ৰুছ সেনাই ইতিমধ্যে ইউক্ৰেইনৰ কেবাখনো গাও দাখল কৰি লৈছে ৷ সমান্তৰালভাৱে বেলাৰুছ সীমান্তৰ পৰাও ৰাছিয়াই আক্ৰমণ আৰম্ভ কৰিছে ৷ তিনিটা পথেৰে ৰাছিয়াই আক্ৰমণ সংঘটিত কৰাৰ পাছত নাটোয়েও প্ৰত্যাক্ৰমণৰ ৰণনীতি প্ৰস্তুত কৰিছে ৷
তাৰ পূৰ্বে ৰাছিয়াৰ ৰাষ্ট্ৰপতি ব্লাডিমিৰ পুটিনে টেলিভিছনৰ জড়িয়তে আক্ৰমণ আৰম্ভ কৰাৰ কথা ঘোষণা কৰে ৷ এই ঘোষণাৰ ৫ মিনিট পাছতে ইউক্ৰেইনৰ ৰাজধানী কীৱৰ লগতে তাৰ আশে পাশে ১২ টা বিস্ফোৰণৰ শব্দ শুনা যায় ৷
