Investigative reporting with dedication.
আফগানিস্তানত আৱদ্ধ হৈ আছে ক্ৰিকেটাৰ ৰছিদ খানৰ পৰিয়াল ৷ দেশ এৰি পলাব বিচৰা হাজাৰ হাজাৰ লোকে ভিৰ কৰিছে কাবুলৰ বিমান – বন্দৰত ৷ দেশৰ কথা ভাবি চিন্তিত হৈ পৰিছে দেশৰ পৰা আঁতৰত থকা আফগান নাগৰিকসকল ৷ কিন্তু তেনে এক মানসিক ভাৱে প্ৰতিকূল অৱস্থাতো জিলিকি উঠিছে আফগানিস্তানৰ ক্ৰিকেটাৰ ৰছিদ খান ৷ জন্মভূমিৰ পৰা ৮ হাজাৰ কিলোমিটাৰ দূৰৈত ইংলেণ্ডৰ ‘দ্য হানদ্ৰেড’ টুৰ্ণামেন্টত ‘ট্ৰেন্ট ৰকেটছ ‘ দলৰ হৈ খেলি আছে ৰছিদ খানে ৷ সেই সময়তে দেওবাৰে তালিবানে দখল কৰে আফগানিস্তানৰ ক্ষমতা ৷ পৰিয়াল এতিয়াও দেশতে আৱদ্ধ ৷ কিন্তু দেওবাবে নিশাই অসাধাৰণ প্ৰদৰ্শনেৰে নিজ দলক বিজয়ৰ সোৱাদ দিবলৈ সক্ষম হ’ল ৰছিদ খান ৷
প্ৰতিপক্ষ ‘মানচেষ্টাৰ অৰিজিনেলছ’য়ে ৪০ টা বলত এটা উইকেট হেৰুৱাই ৭০ ৰাণত বেটিঙ কৰি আছিল ৷ তেনে সময়ত বলিঙ কৰিবলৈ আে ৰছিদ খান ৷ মাত্ৰ ২০ টা বলত ১৬ ৰাণ দি ৩ টা উইকেট দখল কৰে তেও ৷ ফলত ‘মানচেষ্টাৰ অৰিজিনেলছ’ৰ বেটিঙ লাইন কম সময়ৰ ভিতৰতে ধূলিস্যাৎ হৈ যায় আৰু সহজ বিজয় সাব্যস্ত কৰে ‘ট্ৰেন্ট ৰকেটছ ‘ দলে ৷
ইংলেণ্ডৰ প্ৰাক্তন বেটছমেন কেভন পিটাৰছনে সংবাদ মাধ্যমৰ আগত কৈছে ,’তেওৰ লগত বহুত কথা পতা হৈছে ৷ প্ৰচণ্ড চিন্তাত আছে ৷ মূৰত অনেক কথাই পাকঘূৰণি খাইছে ৷পৰিয়াল আৱদ্ধ হৈ আছে আফগানিস্তানত ৷ তাৰ পাছতো এনে পাৰফৰমেন্স কেৱল ৰছিদ খানৰ বাবেই সম্ভৱ ৷’
