Investigative reporting with dedication.
ডিব্ৰুগড় আকাশবাণী অসমীয়া আঞ্চলিক বাতৰিৰ সম্প্ৰচাৰ বন্ধ কৰাক লৈ উত্তাল ডিব্ৰুগড়।ডিব্ৰুগড় আকাশবাণীৰ অসমীয়া আঞ্চলিক বাতৰিৰ সম্প্ৰচাৰ বন্ধ কৰাক লৈ উত্তাল হৈ পৰিছে ডিব্ৰুগড় চহৰ । আকাশবাণী ডিব্ৰুগড় কেন্দ্ৰৰ অসমীয়া বাতৰি সম্প্ৰচাৰ বন্ধ কৰা কেন্দ্ৰীয় চৰকাৰৰ হঠকাৰী সিদ্ধান্তৰ বিৰুদ্ধে ডিব্ৰুগড় জিলা উপায়ুক্ত কাৰ্যালয়ৰ সন্মূখত উত্তাল প্ৰতিবাদ সাব্যস্ত কৰে সদৌ ডিব্ৰুগড় জিলা ছাত্ৰ সন্থাই । ইফালে, আকাশবাণী ডিব্ৰুগড়ৰ কেন্দ্ৰৰ সন্মূখত ভাৰতীয় গণনাট্য সংঘই প্ৰতিবাদ সাব্যস্ত কৰে । ডিব্ৰুগড়ৰ কেন্দ্ৰটোৰ পৰা প্ৰতি সন্ধ্যা ৬ বজাত সম্প্ৰচাৰ হোৱা ৫ মিনিটৰ আঞ্চলিক বাতৰি বন্ধৰ সিদ্ধান্ত বাতিলৰ দাবী জনাই প্ৰতিবাদ ভাৰতীয় গণনাট্য সংঘই । দুজনকৈ কেন্দ্ৰীয় মন্ত্ৰী থকাৰ পিছতো কেন্দ্ৰটোৰ একমাত্ৰ আঞ্চলিক ভাষাটোৰ সম্প্ৰচাৰ বন্ধৰ সিদ্ধান্তৰ বিৰুদ্ধে গ্ৰহণ কৰা নীৰৱ ভূমিকাক সমালোচনা সদৌ ডিব্ৰুগড় জিলা ছাত্ৰ সন্থা আৰু ভাৰতীয় গণনাট্য সংঘ ডিব্ৰুগড় জিলা সমিতিৰ । চৰকাৰৰ এই হঠকাৰী সিদ্ধান্ত অতি শীঘ্ৰে বাতিল কৰাৰ দাবী উত্থাপন কৰিছে সংগঠন কেইটাই ।
