Investigative reporting with dedication.
ই ভি এমক লৈ সততে উত্থাপন হয় টেম্পাৰিঙৰ অভিযোগ ৷ এই অভিযোগৰ বাট বন্ধ কৰিবলৈ নিৰ্বাচন আয়োগে লৈছে এটা গুৰুত্বপূৰ্ণ পদক্ষেপ ৷ এই পদক্ষেপ অনুসৰি ভাৰতত আৰম্ভ হ’ব ৰিমোট ভোটিঙ ৷ ইয়াৰ ফলত ঘৰৰ পৰা আঁতৰত থকা কোনো লোকে ভোট দিবলৈ ঘৰলৈ যোৱাৰ কোনো প্ৰয়োজন নাথাকিব ৷ তাৰ পৰাই তেও নিজৰ সমষ্টিৰ বাবে ভোটদান কৰিব পাৰিব ৷ ইয়াৰ বাবে বিভিন্ন স্থানত ৰখা হ’ব ৰিমোট ভোটিঙ মেচিনসমূহ ৷ ইয়াৰ জড়িয়তে নিজৰ সমষ্টি নিৰ্বাচন কৰি ভোটাৰেভোটদান কৰিব পাৰিব ৷ আই আই টি মাদ্ৰাছৰ লগত নিৰ্বাচন আয়োগে যুটীয়াভাৱে ইয়াৰ সঠিক প্ৰযুক্তি উদ্ভাৱনৰ কাম কৰি আছে ৷ সংসদীয় সমিতিৰ আগত ইতিমধ্যে নিৰ্বাচন আয়োগে ৰিমোট ভোটিঙক লৈ পাৱাৰ পইন্ট প্ৰেজেনন্টেশ্যনো দিছে ৷ সকলো অনুমতি লাভ কৰিলে ২০২৪ ৰ নিৰ্বাচনত এই পদ্ধতি আৰম্ভ হ’ব পাৰে ৷
