ব্ৰিটেইন স্বাভাৱিক হ’ল , মহাৰাষ্ট্ৰত পাঠদান চলিব , অসমত কি হোৱা উচিত ?

বুধবাৰৰ দিনটোত দেশখনত কোভিডত আক্ৰান্ত হৈছিল ১ লাখ ৮ হাজাৰ নাগৰিক ৷মৃত্যু হৈছিল ৩৫৯ গৰাকী লোকৰ ৷ কিন্তু সেই দিনটোতে দেশখনৰ প্ৰধানমন্ত্ৰীয়ে ঘোষণা কৰিলে যে বিদ্যালয়সমূহ খুলি দিয়া হ’ব ৷ শ্ৰেণীকোঠাত ছাত্ৰ ছাত্ৰীয়ে মাষ্ক পিন্ধাৰ কোনো প্ৰয়োজন নাই ৷ কাৰ্যালয়বোৰলৈ সকলো কৰ্মচাৰীক উভতি যাবলৈ কোৱা হ’ল ৷ ৱৰ্ক ফ্ৰম হোমৰ ইতি পেলালে প্ৰধানমন্ত্ৰীয়ে নিজেই ৷ কৈ আছো ব্ৰিটেইনৰ কথা ৷ ব্ৰিটেইন চৰকাৰে ঘোষণা কৰিছে যে কোভিডৰ লগত জীয়াই থাকিবলৈ শিকিব লাগিব ৷ তাৰ বাবে কোভিডৰ বাবে বলবৎ কৰা প্ৰায়বোৰ নীতি নিয়ম প্ৰত্যাহাৰ কৰা হৈছে ৷ ব্ৰিটেইন চৰকাৰে কি কি সিদ্ধান্ত ল’লে , ভাৰতত কেতিয়ালৈকে স্বাভাৱিক জীৱন ঘূৰি আহিব ,গুৱাহাটী মহানগৰীৰ মাজেৰে পাৰ হৈ গৈছে মুখ্যমন্ত্ৰী ড: হিমন্ত বিশ্ব শৰ্মাৰ কনভয় ৷ ইয়াৰ বাবে ৰাস্তাত ৰখাই দিয়া হৈছে গাড়ী মটৰৰ চলাচল ৷ পথত আৱদ্ধ হৈ থকা কোনো লোকে সংগ্ৰহ কৰা এই ভিডিও এতিয়া ছোচিয়েল মেডিয়াত ভাইৰেল হৈ পৰিছে ৷ জনসাধাৰণে ইয়াৰ লগত মুখ্যমন্ত্ৰীয়ে নগাৱৰ উপায়ুক্তক দিয়া ধমকৰ প্ৰসংগও আলোচনা কৰিবলৈ আৰম্ভ কৰিছে ৷
এতিয়া আহো কোভিডৰ প্ৰসংগলৈ ৷ ব্ৰিটেইন চৰকাৰে কোভিডৰ পৰিপ্ৰেক্ষিতত বলবৎ কৰা প্ৰায়বোৰ বাধা নিষেধ প্ৰত্যাহাৰ কৰাৰ কথা ঘোষণা কৰিছে ৷ ব্ৰিটিছ চৰকাৰৰ স্বাস্থ্য সচিব চাজিদ জাভিদে এক সংবাদমেলত ঘোষণা কৰে যে আমি সকলোৱে কোভিডৰ সৈতে জীয়াই থাকিবলৈ শিকিব লাগিব ৷ ইয়াৰ সমান্তৰালভাৱে ব্ৰিটেইনৰ প্ৰধানমন্ত্ৰী বৰিছ জনছনে ইংলেণ্ডত কোভিডৰ বাবে বলবৎ কৰা বাধা নিষেধৰ অন্ত পেলোৱাৰ কথা ঘোষণা কৰিছে ৷ জনছনে কৰা ঘোষণা অনুসৰি ৱৰ্ক ফ্ৰম হোমৰ নিৰ্দেশনা বৃহস্পতিবাৰৰ পৰা অন্ত পৰিছে ৷ সকলো কৰ্মচাৰীয়ে কাৰ্যালয়লৈ গৈ কামত যোগদান কৰিব পাৰে৷ লগতে ছাত্ৰ ছাত্ৰীয়ে শ্ৰেণীকোঠাত মাস্ক পৰিধান কৰাৰ কোনো প্ৰয়োজন নাই ৷ ৰাজহুৱা স্থানত প্ৰৱেশৰ বাবে ২৭ জানুৱাৰীৰ পৰা কোভিড পাছৰ কোনো প্ৰয়োজন নাথাকিব ৷ যদিহে কোনো ব্যক্তি কোভিডত আক্ৰান্ত হয় , তেনেহ’লে তেও নিজকে আইছ’লেট কৰিব লাগিব ৷ এইদৰে ব্ৰিটেইনৰ জীৱন যাত্ৰা স্বাভাৱিক হ’বলৈ গৈ আছে ৷ কিন্তু ভাৰতত এতিয়াও কোভিডৰ প্ৰতি লক্ষ্য ৰাখি কেতবোৰ কঠোৰ বাধা নিষেধ জাৰি কৰা হৈ আছে আৰু নাগৰিকৰ পৰা জৰিমনা সংগ্ৰহৰ কামো চলি আছে ৷ তাৰ মাজতে মহাৰাষ্ট্ৰ চৰকাৰে অহা ২৪ জানুৱাৰীৰ পৰা প্ৰথমৰ পৰা নৱম শ্ৰেণীলৈ সকলো বিদ্যালয় মুকলি কৰি দিব বুলি সদৰী কৰিছে ৷ পশ্চিমবংগতো বিদ্যালয় খোলাৰ দাবীত ব্যাপক গণজাগৰণ আৰম্ভ হৈছে ৷ সেইবাবেই এতিয়া প্ৰশ্ন হৈছে – অসমত দৈনিক ৮ হাজাৰ লোক কোভিডত আক্ৰান্ত হৈ আছে যদিও চিকিৎসালয়ত ভৰ্তি হোৱা লোকৰ সংখ্যা তেনেই কম ৷ তাৰ পাছতো অসমত বিদ্যালয়সমূহ বন্ধ কৰি ৰখাৰ কিবা যুক্তি আছেনে ? নে বিদ্যালয় – মহাবিদ্যালয়ৰ পাঠদান আৰম্ভ হোৱা উচিত ৷ এইদৰেই ব্ৰিটেইনৰ প্ৰধানমন্ত্ৰী বৰিছ জনছনে কোভিডৰ বাধা নিষেধ আঁতৰ কৰাৰ কথা ঘোষণা কৰে ৷ ইয়াৰ পাছতে সাংসদসকলে তেওৰ সিদ্ধান্তক সমৰ্থন জনায় ৷ বিৰোধীৰ প্ৰবল প্ৰতিবাদৰ বাবেই ব্ৰিটেইন চৰকাৰে কোভিড সম্পৰ্কীয় প্ৰট’কল প্ৰত্যাহাৰৰ সিদ্ধান্ত ল’বলৈ বাধ্য হয় ৷