সত্যৰ সন্ধানত প্ৰতিদিন, প্ৰতিপল

ভাৰতৰ দু:শ্চিন্তা : আইছিছত কেৰালাৰ ১৪ সদস্য

কাবুলত সংঘটিত ভয়াবহ বিস্ফোৰণৰ আঁৰত কেৰালাৰ ১৪ জন লোক জড়িত হৈ থকাৰ খবৰে এতিয়া দু:শ্চিন্তাত পেলাইছে ভাৰতৰ নিৰাপত্তা সংস্থাসমূহক ৷সংবাদ মাধ্যমৰ বাতৰি অনুসৰি ,তালিবানে আফগ্নিস্তানৰ ক্ষমতা দখল কৰাৰ পাছত জেলৰ সকলো কয়েদীক মুক্ত কৰি দিছিল ৷ সেই সময়ত বাঘৰাম জেলৰ পৰা মুক্তি লাভ কৰা কয়েদীসকলৰ মাজত আছিল দক্ষিণৰ ৰাজ্য কেৰালাৰ ১৪ জন লোক ৷এই আটাইকেইজনেই  আইছিছ –কেৰ সদস্য ৷

অসমৰ্থিত সূত্ৰৰ খবৰ অনুযা্যী ২৬ আগষ্টত কাবুলৰ তুৰ্কমেনিস্তান দূতাবাসৰ সন্মুখত বোমা সংস্থাপন কৰিবলৈ গৈ ধৰা পৰিছিল দুজন পাকিস্তানী লোক ৷এই দুয়োজনেই আইছিছ – কেৰ সদস্য ৷তেওলোকৰ লগত কেৰালাৰ আইছিছ সদস্যকেইজনৰ যোগাযোগ আছিল ৷

স্থানীয় সংবাদ মাধ্যমৰ খবৰ অনুযায়ী , কেৰালাৰ ১৪ জন আইছিছ সদস্যৰ ভিতৰত এজনে নজৰ ঘৰৰ লগত যোগাযোগো কৰিছিল ৷ তাৰ পাছতে কেৰালাৰ আইছিছ সংযোগ পোহৰলৈ আহে ৷ ৰাজ্যখনৰ মল্লপুৰম , কান্নুৰ জিলাৰ পৰা ১৪ জন লোকে আইছিছত যোগ দিয়াৰ তথ্য চোৰাংছোৱাই লাভ কৰিছে ৷ তাৰ লগে লগে ভাৰতৰ দু:শ্চিন্তাও বৃদ্ধি পাইছে ৷

 

Leave A Reply

Your email address will not be published.