Investigative reporting with dedication.
পাকিস্তান বিশ্বকাপৰ পৰা বাহিৰ হ’ল কিন্তু পাকিস্তানীৰ খঙ এতিয়াও কমা নাই ৷ বিশেষকৈ ১৯ তম অভাৰত মেথিউ ৱেডৰ কেচ মিছ কৰা হাছান আলীৰ বিৰুদ্ধে গৰজিয়েই আছে পাকিস্তানী ক্ৰিকেট সমৰ্থকসকল ৷ প্ৰথমতে তেওক ছিয়া মুছলমান হিচাপে দুৰ্ঘোৰ গালি গালাজ কৰা হ’ল ৷ চুন্নী প্ৰধান দেশ পাকিস্তানত হাছান আলীক জঘন্য ধৰ্মীয় আক্ৰমণ কৰাৰ পাছত ভাৰতীয় যুৱতীক বিয়া কৰোৱা বাবেও ককৰ্থনা কৰা হ’ল ৷ হাছান আলীৰ পত্নী ছামিয়াৰ জন্ম হাৰিয়ানাত ৷ ছামিয়া বৃত্তিত এগৰাকী বিমান অভিযন্তা ৷ ২০১৯ চনত তেও ডুবাইত হাছান আলীৰ সৈতে বিবাহ পাশত আৱদ্ধ হয় ৷ পাক ক্ৰিকেটৰ সমৰ্থকসকলে ছামিয়াক আক্ৰমণৰ লক্ষ্য কৰি লোৱাৰ উপৰিও সামাজিক মাধ্যমত হত্যাৰ ভাবুকি দিয়াও পৰলক্ষিত হৈছে ৷
