Investigative reporting with dedication.
ভয়ংকৰ নাও দুৰ্ঘটনাত প্ৰাণ গ’ল ৮ টি কিশোৰৰ,সন্ধান নাই ৩ জনৰ | কম্বোডিয়াৰ মেকং নদীত সংঘটিত এই ভয়ংকৰ দুৰ্ঘটনা | নদীৰ পাৰ পাবলৈ আৰু মাত্ৰ ৫০ মিটাৰ থাকোতেই জোখতকৈ অধিক যাত্ৰী কঢ়িওৱা নাওখন ডুব যায় ৷কম্বোডিয়াৰ কন্দল প্ৰভিন্সৰ মেকং নদীত এই শোকাৱহ দুৰ্ঘটনাটো সংঘটিত হয় বৃহস্পতিবাৰে নিশা ৷ দুৰ্ভগীয়া নাওযাত্ৰী সকলৰ বয়স ১২ ৰ পৰা ১৫ বছৰ ৷ বিদ্যালয়ৰ এক ইংৰাজী বিষয়ৰ শ্ৰেণীৰ পাঠ গ্ৰহণৰ বাবে যোৱাৰ সময়ত এই ভয়ংকৰ দুৰ্ঘটনাটো সংঘটিত হয় ৷ দুৰ্ঘটনাটোৰ সময়ত নাওখনত মুঠ ১১টি কিশোৰ আছিল ৷ ইয়াৰে ৮ টি কিশোৰৰ মৃতদেহ উদ্ধাৰ হৈছে আৰু বাকী ৩ টি কিশোৰ সন্ধানহীন হৈ আছে ৷ উদ্ধাৰ অভিযান অব্যাহত আছে যদিও নদীত পানীৰ পৰিমাণ বেছি হোৱাৰ লগতে প্ৰবল সোঁতৰ বাবে উদ্ধাৰ কাৰ্যত ব্যাঘাত জন্মিছে ৷
দেশখনৰ প্ৰধানমন্ত্ৰী হোন চেনে এই দুৰ্ঘটনাত নিহত সকলৰ পৰিয়াললৈ গভীৰ সমবেদনা জনোৱাৰ লগতে বাৰিষাৰ সময়ত সকলোকে সাৱধানে নদীত যাতায়ত কৰিবলৈ আহ্বান জনাইছে ৷ দক্ষিণ পূব এছিয়াৰ দেশবোৰত এনেধৰণৰ নাও দুৰ্ঘটনা নিত্যনৈমিত্তিক ঘটনাৰ দৰে |
