Investigative reporting with dedication.
তালিবানৰ আগ্ৰাসনৰ মাজত প্ৰথমবাৰৰ বাবে মুখ খুলিছে আফগানিস্তানৰ ৰাষ্ট্ৰপতি আশ্ৰফ ঘানীয়ে ৷ ৰাষ্ট্ৰপতিগৰাকীয়ে এক সাক্ষাৎকাৰত কয় যে আফগানিস্তানক ধ্বংস আৰু অস্থিৰ কৰাৰ অনুমতি কাকো দিয়া নহ’ব ৷দেশখনৰ নাগৰিকসকলক স্থানান্তৰ কৰা কাৰ্যও সহ্য কৰা নহ’ব ৷দেশখনলৈ সুস্থিৰতা ঘূৰাই আনিবলৈ তেও স্থানীয় নেতা আৰু আন্তৰ্জাতিক বন্ধুসকলৰ সৈতে আলোচনা কৰিব বুলিও উল্লেখ কৰে ৷ইপিনে , তালিবানে শণিবাৰে লোগাৰ ৰাজ্যখনো নিজৰ দখললৈ নিয়ে ৷ কেৱল সেয়াই নহয় , ৰাজধানী কাবুলৰ এখন জিলাতো তালিবানে প্ৰৱেশ কৰিছে ৷ ইফালে , কান্দাহাৰৰ ৰেডিও ষ্টেচন দখল কৰি তাক ভয়চ অৱ চাৰিয়া অৰ্থাৎ ইছলামিক আইন নামেৰে নামাকৰণ কৰিছে ৷ এতিয়াৰে পৰা ৰেডিওযোগে বাতৰিৰ লগতে কোৰাণো পাঠ কৰি সম্প্ৰচাৰ কৰা হ’ব ৷
