Investigative reporting with dedication.
অসম – মিজোৰাম সীমান্তত পুণৰ উত্তেজনাপূৰ্ণ পৰিস্থিতিৰ সৃষ্টি হৈছে ৷মঙলবাৰে মিজোৰামে অসম আৰক্ষীৰ ওপৰত গুলীচালনাৰ অভিযোগ উত্থাপণ কৰিছে ৷মিজোৰামৰ অভিযোগ অনুসৰি অসম আৰক্ষীয়ে কৰা গুলীচলনাত এজন নীৰিহ লোক আহত হৈছে ৷
মিজোৰামৰ অভিযোগ সন্দৰ্ভত অসম চৰকাৰে কয় যে সীমান্তত দুৰ্বৃত্তই অসম আৰক্ষীৰ ওপৰত গুলীচালনা কৰাৰ পাছত আৰক্ষীয়ে প্ৰত্যুত্তৰত গুলী চলাইছিল ৷
এই ঘটনাৰ পাছত ৰাজ্যদুখনৰ সীমান্তত পুণৰ উত্তেজনা বৃদ্ধি পাইছে ৷
পি টি আইৰ খবৰ অনুসৰি ,মিজোৰামৰ কোলাশিৱ জিলাৰ উপায়ুক্ত লালথলাংগলিয়ানাই কৈছে যে এই ঘটনা হাইলাকান্দি সীমান্তৰ বিবাদমান অঞ্চলত সংঘটিত হৈছে ৷ গুলীচালনা সংঘটিত হৈছে মঙলবাৰে দুপৰীয়া ১ বজাত ৷ অসমৰ বিলাইপুৰ নিবাসী এজন লোকক সাক্ষাৎ কৰিবলৈ ভাইৰেংটিৰ পৰা তেওৰ দুজন বন্ধু আহিছিল ৷ তেতিয়াই সীমান্তৰ দায়িত্বত নিয়োজিত আৰক্ষীয়ে তেওলোকৰ ওপৰত গুলীচালনা কৰে ৷এই ঘটনাত এজন লোক আহত হৈছে ৷
হাইলাকান্দিৰ আৰক্ষী অধীক্ষক গৌৰৱ উপাধ্যায়ৰ মতে গুলীচালনাৰ ঘটনা সংঘটিত হৈছে যদিও কোনো লোক হতাহত হোৱা নাই ৷
