টি-২০ বিশ্বকাপৰ সূচী প্ৰকাশ কৰিছে আই চি চিয়ে ৷ এই সূচী অনুসৰি ২৪ অক্টোবৰত ডুবাইৰ ষ্টেডিয়ামত পাকিস্তানৰ বিৰুদ্ধে মুখামুখি ৰণত নামিব ভাৰত ৷ মঙলবাৰে প্ৰকাশ কৰা সূচী অনুযায়ী ফাইনেল অনুষ্ঠিত হ’ব ১৪ নৱেম্বৰত ৷
বিৰাট কোহলী বাহিনী প্ৰথম মেচতেই পাকিস্তানৰ বিৰুদ্ধে অৱতীৰ্ণ হ’ব ৷
২৩ অক্টোবৰৰ প্ৰথম মেচত অষ্ট্ৰেলিয়াৰ বিৰুদ্ধে খেলিব দক্ষিণ আফ্ৰিকাই ৷ একেটা দিনতে ইংলেণ্ডৰ বিৰুদ্ধে খেলপথাৰত নামিব ৱেষ্ট ইণ্ডিজ ৷
৩১ অক্টোবৰত আছে ভাৰতৰ দ্বিতীয় মেচ ৷ সেইদিনা খেলিব নিউজিলেণ্ডৰ বিৰুদ্ধে ৷তাৰ পাছৰখন মেচ আছে ৩ নৱেম্বৰত আফগানিস্তানৰ বিৰুদ্ধে ৷
এইবাৰ ভাৰতত টি২০ বিশ্বকাপ অনুষ্ঠিত হোৱাৰ কথা অছিল যদিও ক’ৰোণা পৰিস্থিতিৰ বাবে সংযুক্ত আৰৱ আমিৰশ্বাহীলৈ প্ৰতিযোগিতাখন স্থানান্তৰ কৰা হৈছে ৷
