Investigative reporting with dedication.
কংগ্ৰেছত অব্যাহত আছে খহনীয়া ৷ ক্ৰমাগতভাৱে দ্বিতীয়বাৰ ৰাজ্যত মুখথেকেচা খোৱাৰ পাছত দলটোৰ বহু নেতাই ইতিমধ্যে দলত্যাগ কৰিছে ৷ ইয়াৰ ভিতৰত আছে মৰিয়ণিৰ বিধায়ক ৰূপজ্যোতি কুৰ্মীও ৷ কুৰ্মীৰ পাছে পাছে দলত্যাগ কৰিবলৈ সাজু হৈছে আন এগৰাকী কংগ্ৰেছী বিধায়কে ৷ চৰ্চা অনুসৰি শিৱসাগৰ জিলাৰ থাওৰাৰ বিধায়ক সুশান্ত বৰগোহাঁয়ে অচিৰেই দলত্যাগ কৰি যোগদান কৰিব বিজেপিত ৷ ইতিমধ্যে বিজেপিৰ শীৰ্ষ মহলৰে তেওৰ যোগাযোগ সম্পন্ন হোৱা বুলি জানিব পৰা গৈছে ৷ সমান্তৰালভাৱে কংগ্ৰেছ নেতৃত্বৰে বিধায়কগৰাকীৰ দূৰত্ব বৃদ্ধি পোৱাৰো খবৰ আহিছে ৷ ৰাজ্যৰ উপ – নিৰ্বাচনৰ আগে আগে সুশান্ত বৰগোহাঁইৰ গেৰুৱাকৰণ সম্পূৰ্ণ হোৱাৰ পূৰ্ণ সম্ভাৱণা আছে ৷ অৱশ্যে এই সন্দৰ্ভত থাওৰাৰ বিধায়কগৰাকীয়ে এতিয়ালৈকে মুখ খোলা নাই ৷
