Investigative reporting with dedication.
বঙাইগাঁও জিলা শিক্ষাখণ্ডৰ অন্তৰ্গত সমগ্ৰ শিক্ষা বঙাইগাঁৱৰ উদ্যোগত আৰু টেঙাইগাঁও মণ্ডল সমল কেন্দ্ৰৰ সহযোগত আজি জনগোষ্ঠীয় উৎসৱ ২০২২ উদযাপন কৰে ৷
বঙাইগাঁও
শিক্ষাখণ্ডৰ অধীনৰ টেঙাইগাঁও উচ্চতৰ মাধ্যমিক বিদ্যালয়ত আজি পুৱাৰে পৰা এই উৎসৱ আৰম্ভ হয় ৷ মণ্ডল সমল কেন্দ্ৰৰ মুঠ ৯ খন বিদ্যালয়ৰ ছাত্ৰ ছাত্ৰী,অভিভাবক সকলে অংশ গ্ৰহণ কৰে এই জনগোষ্ঠীয় উৎসৱত ৷ এই উপলক্ষে বিদ্যালয় চৌহদৰ পৰা এক সাংস্কৃতিক শোভাযাত্ৰা উলিয়ায় ৷ বঙাইগাঁও শিক্ষা বিভাগৰ সহকাৰী পৰিদৰ্শক ভদ্ৰাৱতী বৰ্মনে সাংস্কৃতিক শোভাযাত্ৰাৰ শুভ উদ্ধোধন কৰে ৷
জনগোষ্ঠীয় উৎসৱৰ লগত সংগতি ৰাখি ৰেঙণি নামৰ এখন প্ৰাচীৰ পত্ৰিকা উন্মোচন কৰে বিশিষ্ট ব্যক্তি তথা বিদ্যালয়ৰ পৰিচালনা সমিতিৰ সভাপতি বলেন চন্দ্ৰ সিংহই৷
এই উৎসৱত বিভিন্ন জাতি,জনগোষ্ঠীৰ বিভিন্ন কলা কৃষ্টি আৰু নৃত্য প্ৰদৰ্শন কৰা হয়৷
ছাত্ৰ ছাত্ৰী সকলৰ মাজতো বিভিন্ন প্ৰতিযোগিতা আৰু বিয়লিৰ ভাগত এখন মুকলি সভা অনুষ্ঠিত হ’ব৷
