ৰাইজৰ দল আৰু কংগ্ৰেছৰ মিত্ৰতাত বাধা হ’ল কোন দুই নেতা ?ক’লে অখিল গগৈয়ে

সাংসদ প্ৰদ্যুৎ বৰদলৈ আৰু গৌৰৱ গগৈৰ বাবেই বিগত বিধানসভা নিৰ্বাচনত ঐক্যবদ্ধ হ’ব নোৱাৰিলে ৰাইজৰ দল আৰু কংগ্ৰেছ ৷ নতুন দিল্লীত এই মন্তব্য কৰিছে ৰাইজৰ দলৰ সভাপতি তথা শিৱসাগৰৰ বিধায়ক অখিল গগৈয়ে ৷

তেও কয় – বিগত নিৰ্বাচনত কংগ্ৰেছ আৰু ৰাইজৰ দলে ঐক্যবদ্ধ হৈ নিৰ্বাচনত অৱতীৰ্ণ হোৱাটো প্ৰায় চূড়ান্ত হৈছিল ৷এই সম্পৰ্কত ৰাহুল গান্ধী আৰু জিতেন্দ্ৰ সিঙৰ সৈতে আলোচনাও হৈ গৈছিল ৷ কিন্তু শেষ মুহূৰ্তত কংগ্ৰেছ দলে ওলোটা খৰ মাৰিলে ৷ প্ৰদ্যুৎ বৰদলৈ আৰু গৌৰৱ গগৈয়ে ৰিপুন বৰা মুখ্যমন্ত্ৰী হ’ব বুলি ভাবি এই মিত্ৰতাত বাধা দিলে বুলি কংগ্ৰেছৰ বিভিন্ন উৎসই জনাইছে ৷ যাৰ পৰিণতিত অসমত এইবাৰ বিজেপি চৰকাৰ গঠন হ’ল ৷

অখিল গগৈয়ে লগতে কয় – ৰাইজৰ দল আৰু অন্যান্য শক্তিৰে একত্ৰিত হৈ কংগ্ৰেছ নিৰ্বাচনত অৱতীৰ্ণ হোৱা হ’লে অসমত এইবাৰ কোনো কাৰণতে বিজেপি শাসনলৈ নাহিলহেঁতেন ৷এই কথা ৰিপুণ বৰা আৰু ভূপেন বৰাইও ব্যক্তিগত পৰ্যায়ত স্বীকাৰ কৰিছে ৷