Investigative reporting with dedication.
ভংগ হ’ল কংগ্ৰেছ আৰু এ আই ইউ ডি এফৰ মিত্ৰতা ৷ সোমবাৰে অনুষ্ঠিত অসম প্ৰদেশ কংগ্ৰেছ কমিটীৰ নীতি নিৰ্ধাৰক সমিতিৰ বৈঠকত বদৰুদ্দিন আজমল নেতৃত্বাধীন দলটোক মহাজোঁটৰ পৰা অব্যাহতি দিয়াৰ প্ৰস্তাৱ গ্ৰহণ কৰা হয় ৷ প্ৰস্তাৱটোত কোৱা হয় যে এ আই ইউ ডি এফ দলৰ একাংশ নেতাই ব্যক্তি স্বাৰ্থৰ বাবে বিজেপি আৰু মুখ্যমন্ত্ৰীগৰাকীক অনাহকত প্ৰশংসা কৰি আহিছে ৷ যিয়ে কংগ্ৰেছ দলৰ ভাৱমূৰ্তি বিনষ্ট কৰিছে ৷ সেয়ে বিষয়টোৰ বিস্তৃত আলোচনাৰ পাছত প্ৰদেশ কংগ্ৰেছ কমিটীয়ে মহাজোঁটৰ পৰা এ আই ইউ ডি এফ দলক অব্যাহতি দিয়াৰ প্ৰস্তাৱ গ্ৰহণ কৰে ৷ এই প্ৰস্তাৱ নিখিল ভাৰত কংগ্ৰেছ কমিটীলৈ চূড়ান্ত অনুমোদনৰ বাবে প্ৰেৰণ কৰিব প্ৰদেশ কংগ্ৰেছ কমিটীয়ে ৷সোমবাৰৰ নীতি নিৰ্ধাৰক সমিতিৰ বৈঠকৰ এই সিদ্ধান্তৰ বিষয়ে সংবাদমেল যোগে সদৰী কৰে সভাপতি ভূপেন বৰাই ৷ মহাজোঁট সন্দৰ্ভত গ্ৰহণ কৰা প্ৰস্তাৱ পাঠ কৰে বিৰোধী উপ- দলপতি ৰকিবুল হুছেইনে ৷
ইফালে , উপ –নিৰ্বাচন সন্দৰ্ভতো চূড়ান্ত সিদ্ধান্ত গ্ৰহণৰ বাবে প্ৰদেশ কংগ্ৰেছ কমিটীৰ সভাপতি ভূপেন বৰাৰ নেতৃত্বত এখব ৮ জনীয়া সমিতি গঠন কৰা হয় ৷
এই বাতৰি ভিডিওৰ ৰূপত চাবলৈ ইয়াত ক্লিক কৰক
