Investigative reporting with dedication.
অলিম্পিকত দেশৰ বাবে গৌৰৱ কঢ়িয়াই মাতৃভূমিত উপস্থিত হোৱা লাভলীনা বৰগোহাঁইয়ে শুকুৰবাৰে সাংবাদিকৰ আগত ব্যক্ত কৰিলে নিজৰ মনৰ ইচ্ছা ৷হোটেল তাজ ভিভান্টাত সাংবাদিকৰে মুখামুখি হৈ অলিম্পিকৰ পদক বিজয়ী বক্সাৰগৰাকীয়ে কয় যে তেও অসমৰ শিশু প্ৰতিভাসকলক সাক্ষাৎ কৰিব বিচাৰে ৷ শিশুসকলক অলিম্পিকৰ পদকটো স্পৰ্শ কৰিবলৈ দি তেওলোকক ক্ৰীড়াৰ বাবে উৎসাহিত কৰিব খোজে ৷ লাভলীনাই লগতে কয় যে ভাৰতৰ শিক্ষা ব্যৱস্থাত ক্ৰীড়া বিষয়টো অন্তৰ্ভুক্ত হোৱা উচিত ৷ তেতিয়াহে ক্ৰীড়া প্ৰতিভাৰ সঠিক বিকাশ সম্ভৱ হ’ব ৷ অসম চৰকাৰে আগবঢ়োৱা চাকৰিৰ প্ৰসংগত তেও কয় যে ডিউটি কৰিবলৈ তেওক এই চাকৰি দিয়া হোৱা নাই ৷দেশৰ বাবে মেডেল কঢ়িয়াই নিজৰ দায়িত্ব সঠিকভাৱে পালন কৰি যাব ৷ সংবাদমেলত তেও নিজৰ মাতৃ- পিতৃলৈও কৃতজ্ঞতা জ্ঞাপন কৰে ৷
