সত্যৰ সন্ধানত প্ৰতিদিন, প্ৰতিপল

অসমত সশস্ত্ৰ বাহিনীৰ বিশেষ ক্ষমতা আইনৰ ম্যাদ বৃদ্ধি কৰাক লৈ কি ক’লে হিমন্ত বিশ্ব শৰ্মাই?

অসমত অনাগত ৬ মাহলৈ সশস্ত্ৰ বাহিনীৰ বিশেষ ক্ষমতা আইনৰ ম্যাদ বৃদ্ধি কপা হ’ল অৰ্থাৎ অসমক পুনৰ এবাৰ অশান্ত অঞ্চল হিচাপে ঘোষণা কৰা হল। এই আইনৰ অধীনত সেনা-নিৰাপত্তা বাহিনীয়ে ইচ্ছা কৰিলেই যিকোনো সময়ত যিকোনো স্থানত অভিযান চলাব পাৰিব। এই সম্পৰ্কে মন্তব্য কৰি মুখ্যমন্ত্ৰী হিমন্ত বিশ্ব শৰ্মাই কয় যে উত্তৰ-পূর্বাঞ্চলত এটাও সশস্ত্র সংগঠন থকালৈকে শান্তি অহা বুলি ক’ব পৰা নাযাব৷ অসমত নাথাকিলেও মণিপুৰৰ অথবা নাগালেণ্ড বা ত্রিপুৰাৰ পৰা সন্ত্রাসবাদী আহিব পাৰে৷ সেয়েহে সাৱধানতা অৱলম্বন কৰাটো প্রয়োজনীয়৷
সশস্ত্র বাহিনী বিশেষ ক্ষমতা আইন (আফ্ছপা)ৰ অধীনত অসমক পুনৰ ৬ মাহলৈ অশান্ত অঞ্চল হিচাপে ঘোষণা কৰা সন্দর্ভত প্রতিক্রিয়া প্রকাশ কৰি কইনাধৰাৰ ৰাজ্যিক অতিথিশালাত অনুষ্ঠিত এক অনুষ্ঠানৰ অন্তত মুখ্যমন্ত্রী ড০ শর্মাই কয় যে অসমক অশান্ত অঞ্চল হিচাপে পুনৰ ঘোষণা কৰা হৈছে৷ যিহেতু ইয়াত উগ্রবাদী সংগঠন এতিয়াও আছে৷ অকল আলফাই নহয়, উত্তৰ-পূর্বাঞ্চলত কেইবাটাও উগ্রবাদী সংগঠন আছে৷ এই উগ্রবাদী সংগঠনসমূহৰ যিকোনো কার্যকলাপৰ বাবে সামৰিক-অর্ধসামৰিক্ বাহিনীক ক্ষমতা প্রদান কৰিবই লাগিব৷ অশান্ত অঞ্চল হিচাপে ঘোষণা কৰা আইনৰ লগত সাধাৰণ ৰাইজৰ কোনো সম্পর্ক নাই৷ কেৱল আৰক্ষীক অধিকাৰহে প্রদান কৰা হৈছে৷ ৰাজ্যত হঠাৎ কিবা এটা ঘটনা ঘটিলে তাৰ উত্তৰ কোনে প্রদান কৰিব? যেতিয়ালৈ এনএছচিএন (আই এম) অথবা আলফা (স্বাধীন)ৰ শান্তি আলোচনা শেষ নহয়, পিএলএকে ধৰি বহু সংগঠন উত্তৰ–পূর্বাঞ্চলত শক্তিশালী হৈ আছে৷ সেয়েহে জীৱনৰ নিৰাপত্তা প্রথম৷ এয়া চৰকৰী প্রক্রিয়া৷ এই চৰকাৰী প্রক্রিয়া এফালে চলি থাকক আৰু আনফালে শান্তি আলোচনা চলি থাকক৷

Leave A Reply

Your email address will not be published.