ৰাহুল গান্ধীৰে কি কথা পাতিলে অখিল গগৈয়ে ?

বুধবাৰে বিয়লি প্ৰায় ৫.৪৫ বজাত কংগ্ৰেছ নেতা ৰাহুল গান্ধী আৰু ৰাইজৰ দলৰ বিধায়ক অখিল গগৈৰ মাজত এক গুৰুত্বপূৰ্ণ বৈঠক অনুষ্ঠিত হয় ৷ এই বৈঠকত মূলত: উপ –নিৰ্বাচন আৰু আগন্তুক লোকসভা নিৰ্বাচন সন্দৰ্ভত আলোচনা কৰা হয় ৷ ২১ , টোঘলক লেনত থকা ৰাহুল গান্ধীৰ কাৰ্যালয়ত অনুষ্ঠিত বৈঠকখনত অখিল গগৈয়ে উপ – নিৰ্বাচনত আসন বুজাবুজিৰ প্ৰস্তাৱ কংগ্ৰেছ নেতাগৰাকীৰ সন্মুখত দাঙি ধৰে ৷ এই বিষয়টো গুৰুত্বসহকাৰে গ্ৰহণ কৰে ৰাহুল গান্ধীয়ে ৷ তেও অসম প্ৰদেশ কংগ্ৰেছৰ তত্বাবধায়ক জিতেন্দ্ৰ সিঙৰ লগত আলোচনা কৰি পৰৱৰ্তী ৰণকৌশল নিৰ্ধাৰণ কৰিবলৈ পৰামৰ্শ আগবঢ়ায় ৷সেইমৰ্মে বৃহস্পতিবাৰে জিতেন্দ্ৰ সিঙৰ সৈতে আলোচনাত বহিব অখিল গগৈ ৷ ইয়াৰ পূৰ্বে এ আই চি চিৰ সাধাৰণ সম্পাদক মুকুল ৱাছনিকৰ লগতো বৈঠকত বহিছিল ৰাইজৰ দলে সভাপতিগৰাকী ৷