শ্বহীদৰ বিৰুদ্ধে বিতৰ্কিত অশালীন মন্তব্য কৰি ইতিমধ্যেই গ্ৰেপ্তাৰ হৈছে বাঘবৰ সমষ্টিৰ বিধায়ক শ্বেৰমান আলী। শ্বেৰমানৰ দায়িত্বজ্ঞানহীন মন্তব্যৰ বিৰুদ্ধে প্ৰতিবাদ সাব্যস্ত কৰিছিল ৰাজ্যৰ বহু দল-সংগঠন আৰু প্ৰতিষ্ঠানে। আনকি কংগ্ৰেছেও শ্বেৰমান আলীক কাৰণ দৰ্শোৱাৰ জাননী জাৰি কৰিছিল। কিন্তু এতিয়া গ্ৰেপ্তাৰ হোৱাৰ পিছত কংগ্ৰেছৰ পৰা নিলম্বন কৰা হ’ল শ্বেৰমান আলীক। প্ৰদেশ কংগ্ৰেছৰ সভাপতি ভূপেন বৰাই এক পত্ৰ যোগে সদৰী কৰিছে এই কথা।
