Investigative reporting with dedication.
হাৰিয়ানাৰ কৰণালত বিজেপি নেতাক ৰখাবলৈ প্ৰতিবাদকাৰী কৃষকে টোল গেটত লগালে ট্ৰেফিক জাম ৷তেতিয়াই পথ মুকলি কৰিবলৈ আৰক্ষীয়ে প্ৰতিবাদকাৰী কৃষকৰ ওপৰত লাঠীচালনা কৰে ৷এই ঘটনাত কেবাগৰাকীও কৃষক গুৰুতৰভাৱে আহত হয় ৷ ইয়াৰ পাছতে আন এটা ভাইৰেল হোৱা ভিডিঅ’ই দেশজুৰি খলকনিৰ সৃষ্টি কৰিছে ৷ দাবী কৰা হৈছে যে এই ভিডিঅ’টোত জিলা উপায়ুক্তগৰাকীয়ে প্ৰতিবাদী কৃষকৰ মূৰ ফালি দিবলৈ নিৰ্দেশ দিছে ৷কংগ্ৰেছ নেতা শ্ৰীনিবাস বী বীয়ে ভিডিওটো টুইট কৰিছে ৷
ভিডিওটোত বিষয়াগৰাকীয়ে এইদৰে কৈছে-‘যিয়ে আগলৈ আহে , তাৰ মূৰ ফালি দিয়া ৷কোনো পৰিস্থিতিতে সিহঁত লাইনতকৈ আগলৈ আহিব নালাগে ৷আমাৰ ওচৰত পৰ্যাপ্ত ফোৰ্চ আছে ৷ দুদিনৰ পৰা আমি ইয়াত ডিউটি কৰি আছো ৷ইয়াৰ পৰা আগলৈ এজনো মানুহ যাব নোৱাৰিব ৷যদি কোনোবা আগলৈ যায় , তেনেহ’লে তাৰ মূৰ ফালিব লাগিব ৷’
