Investigative reporting with dedication.
বঙহৰ যুঁজত নামিছে সমগ্ৰ কংগ্ৰেছ দল ৷চট্টিছগড়ত মুখ্যমন্ত্ৰী ভূপেশ বাঘেল আৰু টি এছ সিঙ দেউৰ মাজত মুখ্যমন্ত্ৰিত্বক লৈ তীব্ৰ সংঘাতৰ সৃষ্টি হৈছে ৷ মঙলবাৰে ৰাহুল গান্ধীয়ে এই বিবাদ নিষ্পত্তিৰ বাবে হস্তক্ষেপ কৰিবলগীয়া হ’ল ৷ তাৰ মাজত আকৌ উক দিছে পঞ্জাৱৰ মুখ্যমন্ত্ৰিত্ব কেন্দ্ৰিক বিবাদে ৷কিছুদিন পূৰ্বে হাইকামাণ্ডৰ হস্তক্ষেপত এই বিবাদ সাময়ৈকভাৱে শাম কাটিছিল যদিও মঙলবাৰে পুণৰ ৩০ গৰাকী কংগ্ৰেছী বিধায়কে মুখ্যমন্ত্ৰী অমৰিন্দৰ সিঙৰ বিৰুদ্ধে মুকলি বিদ্ৰোহ ঘোষণা কৰিছে ৷ তেওলোকে অমৰিন্দৰ সিঙক মুখ্যমন্ত্ৰীৰ পদৰ পৰা আঁতৰোৱাৰ দাবী উত্থাপণ কৰিছে ৷
কেবিনেট মন্ত্ৰী তৃপ্ত ৰাজেন্দৰ বাজৱাৰ বাসগৃহত মঙলবাৰে অসন্তুষ্ট বিধায়কসকল এক বৈঠকত মিলিত হয় ৷কেবাগৰাকীও মন্ত্ৰী উপস্থিত থকা বৈঠকৰ পাছত বাজৱাই সংবাদ মাধ্যমৰ আগত কয় যে অমৰিন্দৰ সিঙে কংগ্ৰেছ দলটোক ভাগ ভাগ কৰিব বিচাৰিছে ৷তেওক মুখ্যমন্ত্ৰী পদৰ পৰা শীঘ্ৰে আঁতৰাব লাগে ৷ নহ’লে কংগ্ৰেছ জীয়াই নাথাকিব ৷
বিদ্ৰোহী বিধায়কসকল নৱজিৎ সিং সিদ্ধুৰ সমৰ্থনত থিয় হৈছে ৷ ২০২২ চনত পঞ্জাৱ বিধানসভাৰ নিৰ্বাচন অনুষ্ঠিত হ’ব ৷ তাৰ পূৰ্বে কংগ্ৰেছ দল আভ্যন্তৰীণ কন্দলত জৰ্জৰিত হৈ পৰিছে ৷
