বিৰোধীৰ বৈঠক : ছোনিয়া গান্ধীয়ে প্ৰথমবাৰৰ বাবে কি ডাঙৰ আহ্বান জনালে ?

লোকসভা নিৰ্বাচনৰ কুচকাৱাজ আৰম্ভ কৰিছে বিৰোধী দলসমূহে ৷ কংগ্ৰেছ সভানেত্ৰী ছোনিয়া গান্ধীৰ আ্হ্বানমৰ্মে শুকুৰবাৰে ১৯ বিৰোধী দলৰ নেতাৰ এখন ভাৰ্ছুয়েল বৈঠক অনুষ্ঠিত হয় ৷ বৈঠকত টি এম চি , এন চি পি , ডি এম কে , শিৱসেনা , জে এম এম , চি পি আই , চি পি আই (এম) , এন চি , আৰ জে ডি আদি দলৰ নেতা উপস্থিত থাকে ৷ লক্ষ্যণীয়ভাৱে বদৰুদ্দিন আজমল নেতৃত্বাধীন এ আই ইউ ডি এফ দলৰ প্ৰতিনিধিয়েও এই বৈঠকত ভাগ লয় ৷ বৈঠকত ছোনিয়া গান্ধীয়ে সকলো বিৰোধী দলৰ নেতাক বিজেপিৰ বিৰুদ্ধে একগোট হ’বলৈ আহ্বান জনায় ৷ তেও কয় যে কেৱল সংসদতেই নহয় , সংসদৰ বাহিৰতো বিৰোধী দলসমূহ একগোট হ’ব লাগিব ৷

বহুজন সমাজ পাৰ্টী এই বৈঠকত উপস্থিত নথকাৰ বিপৰীতে আম আদমী পাৰ্টীয়ে নিমন্ত্ৰণ লাভ নকৰিলে ৷

প্ৰথমবাৰৰ বাবে নিজ মুখেৰে সকলো বিৰোধী দলক ঐক্যৱদ্ধ হোএাৰ আ্হ্বান জনাই ছোনিয়া গান্ধীয়ে কয়-‘ ৰাষ্ট্ৰৰ হিতৰ বাবে ২০২৪ ৰ লোকসভা নিৰ্বাচনত সকলো বিৰোধী দল একগোট হ’ব লাগিব ৷ সংসদত বিৰোধী দলসমূহ একগোট হোৱা বাবেই অ; বি চি বিধেয়কত সংশোধনী আনিবলগীয়া হ’ল ৷কিন্তু কেৱল সংসদৰ ভিতৰতে নহয় , সংসদৰ বাহিৰতো বিৰোধী দলসমূহ একগোট হ’ব লাগিব ৷’ চৰকাৰৰ আকোৰগোজ মনোভাৱৰ বাবে সংসদৰ বৰ্ষাকালীন অধিৱেশন চলিবলৈ নাপালে বুলিও তেও মন্তব্য কৰে ৷

ছোনিয়া গান্ধীৰ মতে সংসদত আগলৈও বিৰোধী এনেদৰে একগোট হৈ থকাতো জৰুৰী ৷ কিন্তু তাতকৈও জৰুৰী হৈছে ২০২৪ ৰ নিৰ্বাচন ৷ এই নিৰ্বাচনৰ বাবে সকলো বিৰোধী দল একগোট হৈ ৰণকৌশল তৈয়াৰ কৰিব লাগিব ৷দলসমূহৰ মাজত মতানৈক্য থাকিলেও দেশৰ হিতৰ বাবেই সকলো এক হোৱাৰ সময় আহি পৰিছে ৷ সকলো বিৰোধী দলক এখন মঞ্চলৈ অনাত কংগ্ৰেছে চেষ্টাৰ  ত্ৰুটি নকৰে বুলিও তেও মন্তব্য কৰে ৷

বৈঠকত মহাৰাষ্ট্ৰৰ মুখ্যমন্ত্ৰী উদ্ধৱ থাকৰে , পশ্চিমবংগৰ মুখ্যমন্ত্ৰী মমতা বেনাৰ্জী , এন চি পিৰ মুৰব্বী শাৰদ পাৱাৰেও অংশ লয় ৷