মোক্ষম আঘাত TMC ত

মোক্ষম আঘাত TMC ত

পুনৰ গ্ৰেপ্তাৰ TMC ৰ বিধায়ক | তৃণমূল কংগ্ৰেছৰ বিধায়ক মাণিক ভট্টাচাৰ্যক গ্ৰেপ্তাৰ |

পশ্চিম বংগৰ শিক্ষক নিযুক্তিৰ কেলেংকাৰীত জড়িত থকাৰ অভিযোগত মঙলবাৰে ইডিয়ে তৃণমূল কংগ্ৰেছৰ এজন বিধায়কক গ্ৰেপ্তাৰ কৰে ৷ মাণিক ভট্টাচাৰ্যক ওৰেটো নিশা সোধাপোচা পৰাৰ অন্তত আজি পুৱা গ্ৰেপ্তাৰ কৰে সংস্থাটোৱে ৷ অবৈধভাৱে শিক্ষক নিযুক্তিৰ সময়ত ভট্টাচাৰ্য আছিল পশ্চিম বংগৰ প্ৰাথমিক শিক্ষা বৰ্ডৰ অধ্যক্ষ৷

“ভট্টাচাৰ্যক গ্ৰেপ্তাৰ কৰা হৈছে কিয়নো তেওঁ সোমবাৰে আবেলিৰ পৰা চলাই থকা তদন্তৰ সময়ত অসহযোগিতা কৰি আহিছে ৷ তেওঁ আনকি ইডিৰ বিষয়ববীয়াক মূল বিষয়টোৰ পৰা ফালৰি কটাবৰ বাবে চেষ্টা কৰি আছিল”-এনেদৰে মন্তব্য কৰে এগৰাকী ইডিৰ বিষয়াই ৷ তেওঁ নাদিয়া জিলাৰ পলাচীপাৰা সমষ্টিৰ বিধায়ক ৷ তেওঁ পশ্চিম বংগ প্ৰাথমিক শিক্ষাবৰ্ডৰ অধ্যক্ষ হোৱাৰ আগতে যোগেশ চন্দ্ৰ চৌধুৰী আইন মহাবিদ্যালয়ৰ অধ্যক্ষ হিচাপে কাৰ্যনিৰ্বাহ কৰিছিল ৷ শিক্ষক নিযুক্তিৰ কেলেংকাৰী সন্দৰ্ভত এতিয়ালৈকে গ্ৰেপ্তাৰ হোৱা তৃণমূল কংগ্ৰেছৰ দ্বিতীয় গৰাকী বিধায়ক মাণিক ভট্টাচাৰ্য৷

ইয়াৰ আগতে ৰাজ্যখনৰ শিক্ষা মন্ত্ৰী পাৰ্থ চেট্টাৰ্জীক বিগত জুলাই মাহত এই অভিযোগত গ্ৰেপ্তাৰ কৰিছিল৷
ভট্টাচাৰ্যক কলকাতা উচ্চ ন্যায়ালয়ৰ এক নিৰ্দেশৰ ভিত্তিত বিগত জুন মাহতেই অধ্যক্ষৰ পদৰ পৰা অপসাৰণ কৰা হয় ৷ ন্যায়াধীশ অভিজিত গংগোপাধ্যায়ে মুঠ ২৬৯ জন প্ৰাথমিক শিক্ষকক নিযুক্তিৰ ক্ষেত্ৰত থকা আসোঁৱাহৰ বাবে ভট্টাচাৰ্যক দোষী সাব্যস্ত কৰিছিল ৷ কলকাতা উচ্চ ন্যায়ালয়ে ইতিমধ্যে চিবিআইক গ্ৰুপ চি,গ্ৰুপ ডি,নৱম শ্ৰেণীৰ পৰা দ্বাদশ শ্ৰেণীলৈ নিযুক্তি প্ৰাপ্ত শিক্ষক আৰু প্ৰাথমিক শিক্ষকৰ নিযুক্তিৰ বিষয়টো তদন্ত কৰাৰ নিৰ্দেশ দিছে৷

গুৰুত্বপূূৰ্ণ বিষয় এয়ে যে শিক্ষক নিযুক্তিৰ বাবে অনুষ্ঠিত পৰীক্ষাত কম নম্বৰ লাভ কৰা প্ৰাৰ্থীয়ে লাখ লাখ টকাৰ বিনিময়ত চাকৰি লাভ কৰাৰ বিপৰীতে যোগ্য প্ৰাৰ্থী বঞ্চিত হৈছিল৷