Investigative reporting with dedication.
উত্তৰ প্ৰদেশবিধানসভা নিৰ্বাচনৰ দিন চমু চাপি অহাৰ লগে লগে বিজেপি শিবিৰত ধুমুহাৰ সৃষ্টি হৈছে ৷ দুজন কেবিনেট মন্ত্ৰী, তিনিজন বিধায়কে বিজেপিৰ পৰা পদত্যাগ কৰাৰ পাছত আজি আৰু এজন বিধায়কে পদত্যাগৰ কথা ঘোষণা কৰিছে ৷ বৃহস্পতিবাৰে শিকোহাবাদৰ বিধায়ক মুকেশ বাৰ্মাই পদত্যাগৰ কথা ঘোষণা কৰি কয় যে স্বামী প্ৰসাদ মৌৰ্য তেওঁৰ নেতা ৷ স্বামী প্ৰসাদে যি সিদ্ধান্ত লয় , সেই সিদ্ধান্তকে তেওঁ সমৰ্থনন জনাই যাব ৷ মুকেশ বাৰ্মাই তেওঁৰ পদত্যাগ পত্ৰত উল্লেখ কৰে যে বিগত পাঁচ বছৰৰ কাৰ্যকালত বিজেপি চৰকাৰে দলিত , পিছপৰা কৃষক , নিৱনুৱাসকলক উপেক্ষা কৰি আহিছে ৷ যাৰ বাবে তেওঁ বিজেপিৰ প্ৰাথমিক সদস্য পদৰ পৰাও পদত্যাগ কৰিছে ৷ উল্লেখ্য যে ইয়াৰ পূৰ্বে যোগী কেবিনেটৰ শ্ৰম মন্ত্ৰী স্বামী প্ৰসাদ মৌৰ্য আৰু পৰিৱেশ মন্ত্ৰী দ্বাৰা সিঙ চৌহানে বিজেপি দল ত্যাগ কৰি অখিলেশ যাদৱক সাক্ষাৎ কৰিছিল ৷
