Investigative reporting with dedication.
১৯ আগষ্ট ৷ ১৯১৯ চনত এই দিনটোতেই আফগানিস্তানত ব্ৰিটিছ শাসনৰ অন্ত পৰিছিল ৷সেই অনুসৰি ১৯ আগষ্ট আফগানিস্তানৰ স্বাধীনতা দিৱস ৷ কাবুলত তালিবানে নিজৰ পতাকা উৰুৱাই স্বাধীনতা দিৱস পালন কৰাৰ বিপৰীতে বহু ঠাইত আফগান নাগৰিকে জাতীয় পতাকা লৈ সমদল উলিয়ায় ৷
আফগানিস্তানৰ পতাকা লৈ উলিওৱা সমদললৈ লক্ষ্য কৰি তালিবানে গুলীচালনা কৰে ৷ আছাদাবাদত সংঘটিত এই ঘটনাত কমেও দুজন লোক নিহত হোৱাৰ বাতৰি আহিছে ৷ স্থানীয় লোকে আল –জাজিৰাৰ আগত এই কথা নিশ্চিত কৰিছে ৷দেশখনৰ আন বহু ঠাইতো আফগান পতাকা উৰুওৱা লোকসকললৈ তালিবানে গুলীচালনা কৰিছে ৷
ইয়াৰ পূৰ্বে তালিবানে এক বিবৃতি জাৰি কৰি ১৯ আগষ্টৰ দিনটোত স্বাধীনতা দিৱসৰ লগতে আমেৰিকাক দেশৰ পৰা বিতাড়নৰ উংসৱো উদযাপন কৰা বুলি সদৰী কৰিছিল ৷
