তালিবানক কিয় বিশ্বাসত নল’বলৈ ক’লে বায়ুসেনাৰ প্ৰথম মহিলা পাইলটে ?

নতুন শাসনকালত মহিলাসকলৰ প্ৰতি মানবীয় হোৱাৰ প্ৰতিশ্ৰুতি দিছে তালিবানে ৷মহিলাসকলে কৰ্মক্ষেত্ৰত যোগদান কৰিব পাৰিব বুলিও তালিবানে ঘোষণা কৰিছে ৷কিন্তু তালিবানৰ এনে কথাত মুঠেও আশ্বস্ত নহয় আফগানিস্তানৰ প্ৰথম মহিলা বায়ুসেনাৰ পাইলট নিলোফাৰ ৰহমানি ৷

এতিয়াও আফগানিস্তানতে বন্দী হৈ আছে নিলোফাৰ ৰহমানি ৷ দেওবাৰে তালিবানে ক্ষমতা দখল কৰাৰ পাছৰে পৰা দু:শ্চিন্তাত দিন কটাইছে নিলোফাৰ ৰহমানিয়ে ৷২০১৩ চনৰ পৰাই নিলোফাৰৰ ওপৰত একাধিক প্ৰাণঘাটী আক্ৰমণৰ ঘটনা সংঘটিত হৈছে ৷২০১৫ চনত আফগানিস্তান এৰি ভাৰলৈ আহিছিল নিলোফাৰ ৰহমানি ৷২০১৮ চনৰ পৰা তেও আমেৰিকাত আশ্ৰয় লৈ আছে ৷

সংবাদমাধ্যমত নিজৰ আশংকাৰ কথা ব্যক্ত কৰি তেও কয় যে কিছুদিনৰ পাছতে খোলাৰ পৰা ওলাই তালিবানে স্বমূৰ্তি ধাৰণ কৰিব ৷ নিলোফাৰ ৰহমানৰ মন্তব্য-‘আকৌ এনাৰ আমাক আমাৰ পৰিয়ালক ভাবুকি দিয়া আৰম্ভ হৈছে ৷ তেওলোকৰ মতে মই ভাল মুছলমান মহিলা নহয় ৷ মই সংস্কৃতি পাহৰি গৈছো ৷ গতিকে মৰি যোৱাই ভাল ৷’

বুধবাৰে বোৰ্খা নিপিন্ধাকৈ কাৰ্যালয়লৈ যোৱাৰ অপৰাধত হত্যা কৰা হৈছিল এগৰাকী মহিলাক ৷ৰহমানিয়ে ক’লে –‘এই যুদ্ধ ঘোষণা আচলতে মহিলাৰ বিৰুদ্ধে ৷ পুৰুষৰ বিৰুদ্ধে নহয় ৷’