নিৰ্বাচন অনুষ্ঠিত হ’বলগীয়া ৫ ৰাজ্যত নিৰ্বাচনী সভা , সমদলৰ ক্ষেত্ৰত নিষেধাজ্ঞা বাহাল ৰাখিছে নিৰ্বাচন আয়োগে ৷ ৰাষ্ট্ৰীয় সংবাদ মাধ্যমৰ বাতৰি অনুসৰি শণিবাৰে অনুষ্ঠিত হোৱা নিৰ্বাচন আয়োগৰ বৈঠকত নিৰ্বাচনী সভা-সমদল আৰু এসপ্তাহলৈ নিষিদ্ধ কৰাৰ সিদ্ধান্ত লোৱা হয় ৷ এই বৈঠকত কেন্দ্ৰৰ স্বাস্থ্য মন্ত্ৰালয়ৰ সচিবো উপস্থিত আছিল ৷ পাঁচোখন ৰাজ্যৰ কোভিড পৰিস্থিতি পৰ্যালোচনা কৰাৰ পাছত আয়োগে এই সিদ্ধান্ত লয় ৷ ইয়াৰ সমান্তৰালভাৱে সৰু সৰু সভাৰ ক্ষেত্ৰত কোৱা হৈছে যে যিকিনো ইণ্ডোৰ মিটিঙৰ ক্ষেত্ৰত প্ৰেক্ষাগৃহৰ ক্ষমতাৰ ৫০ শতাংশ লোক উপস্থিত থাকিব পাৰিব ৷ কিন্তু সভাৰ বাবে নিৰ্বাচন আয়োগৰ আগতীয়া অনুমতি লোৱাটো বাধ্যতামূলক ৷উল্লেখ্য যে যোৱা ৮ জানুৱাৰীত ৫ ৰাজ্যৰ বিধানসভা নিৰ্বাচনৰ তাৰিখ ঘোষণা কৰা হৈছিল ৷ সভা-সমদল প্ৰথমতে ১৫ জানুৱাৰীলৈ আৰু তাৰ পাছত ২২ জানুৱাৰীলৈ নিষিদ্ধ কৰা হৈছিল ৷ এতিয়া পুণৰ এসপ্তাহলৈ নিৰ্বাচনী সমদল বা ৰাজহুৱা সভা অনুষ্ঠিত কৰিব নোৱাৰিব ৰাজনৈতিক দলসমূহে ৷
Crosscurrent is an independent newsroom that produces investigative and analytical reporting with dedication. Crosscurrent is founded to uncover the truth behind the important issues. Crosscurrent is founded to cover the issues that matter.