Investigative reporting with dedication.
হঠকাৰীভাবে ৬৫ গৰাকী শিক্ষকক অব্যাহতি দিয়া ঘটনাই কেৱল শিক্ষক কেইগৰাকীকেই এতিয়া বিপদত পেলোৱা নাই৷বিপদত পেলাইছে বিশ্ববিদ্যালয় খনৰ ছাত্ৰ-ছাত্ৰীসকলকো,অচল হৈ পৰিছে বিশ্ববিদ্যালয় খনৰ প্ৰায় ১০ টা গুৰুত্বপূর্ন বিভাগ৷স্থা্যী শিক্ষকৰ অভাবত প্ৰায় প্ৰতিটো বিভগতে ঠিকাভিত্তিক শিক্ষক নিযুক্তিৰে চলাই নিয়া হৈছিল পাঠদান প্ৰক্ৰিয়া৷পৰিণতিত তেওলোকক অব্যাহতি দিয়াৰ পিছতেই এতিয়া শিক্ষক সংকটত ভুগিছে গুৱাহাটী বিশ্ববিদ্যালয়ৰ দহটাতকৈ অধিক বিভাগ৷শিক্ষক সংকতত ভুগিছে বানিজ্য,সমাজবিজ্ঞান,কম্পিউটাৰ বিজ্ঞান আদিৰ দৰে কেইবাটাও গুৰুত্বপূর্ণ বিভাগ৷
ঠিকাভিত্তিক শিক্ষকক অব্যাহতিৰ পিছতেই এতিয়া অচল হৈ পৰাৰ দিশে ৰাজ্যৰ শ শ মহবিদ্যালয়-বিশ্ববিদ্যালয়৷কাৰন ৰাজ্যৰ প্ৰতিখন কলেজ,বিশ্ববিদ্যালয়েই এতিয়া চলি আছে ঠিকাভিত্তিক শিক্ষকক নির্ভৰ কৰি৷ডিব্ৰুগড় বিশ্ববিদ্যলয়ত নিযুক্ত হৈ আছে ১০০ ৰো অধিক ঠিকাভিত্তিক শিক্ষক৷কটন বিশ্ববিদ্যালয়ত নিযুক্ত হৈ আছে প্ৰায় ৮০ গৰাকী ঠিকাভিত্তিক শিক্ষক৷একেদৰে গুৱাহাটী কমার্চ কলেজত নিযুক্ত হৈ আছে ১৮ জন ঠিকাভিত্তিক শিক্ষক৷এয়া মাত্ৰ উদাহৰণহে৷স্থা্যী শিক্ষকৰ অভাবত এতিয়া এনেদৰেই চলি আছে অসমৰ প্ৰতিখন কলেজ বিশ্ববিদ্যালয়৷
অল ইণ্ডিয়া ছার্ভে অন হায়াৰ এডুকেশ্যন ২০১৯-২০ ৰ তথ্য অনুসৰি-অসমৰ উচ্চ শিক্ষাৰ প্ৰতিষ্ঠান সমূহত নিযুক্ত হৈ আছে সর্বমুঠ ২৩০৮০ গৰাকী শিক্ষক৷কিন্তু ইয়াৰে ১৭৩৯ গৰাকী শিক্ষকেই অংশকালীন শিক্ষক৷অন্যহাতে অসমৰ বিশ্ববিদ্যালয় আৰু ইয়াৰ অধীনস্থ কলেজ সমুহত নিযুক্ত হৈ আছে সর্বমুঠ ১৮১১০ গৰাকী শিক্ষক৷কিন্তু ইয়াৰে ১৫২৯ গৰাকী শিক্ষক অংশকালীন শিক্ষক৷আনহাতে একেই প্ৰতিবেদন অনুসৰি,অসমত শিক্ষক আৰু ছাত্ৰৰ অনুপাতো মুঠেই সন্তোষজনক নহয়৷অসমৰ উচ্চ শিক্ষাৰ প্ৰতিষ্ঠান সমূহত প্ৰতি ২৮ গৰাকী শিক্ষার্থীৰ বিপৰীতে আছে এজনকৈ শিক্ষক৷একেদৰে অসমৰ কলেজ আৰু বিশ্ববিদ্যালয় সমূহত প্ৰতি এজন শিক্ষকৰ বিপৰীতে আছে ৩৫ জন শিক্ষার্থী৷অন্যহাতে দীর্ঘদিন ধৰি অসমৰ উচ্চ শিক্ষাৰ প্ৰতিষ্ঠান সমুহত শিক্ষক নিযুক্তিৰ প্ৰক্ৰিয়াও প্ৰায় বন্ধ হৈ ৰোৱাৰ দৰেই৷২০১৫-১৬ বর্ষত অসমৰ উচ্চ শিক্ষাৰ প্ৰতিষ্ঠান সমূহত নিযুক্ত হৈ আছিল সর্বমুঠ ২২৪৮২ গৰাকী শিক্ষক৷অৱসৰৰ হেতু ২০১৬-১৭ বর্ষত শিক্ষকৰ সংখ্যা কমি আহিল ২১১৮৯ গৰাকীলৈ৷২০১৭-১৮ বর্ষত হ্ৰাস পালে ১৯৭২৮ গৰাকীলৈ৷২০১৯-২০ বর্ষত অসমৰ উচ্চ শিক্ষাৰ প্ৰতিষ্ঠান সমূহত শিক্ষকৰ সংখ্যা হ’লগৈ ২৩০৮০ গৰাকী৷অর্থাৎ বিগত ৫ বছৰত ছাত্ৰৰ সংখ্যা বহুগুণে বৃদ্ধি হল যদিও,শিক্ষক বৃদ্ধি হল মাত্ৰ ৫৯৮ গৰাকী৷
অসমৰ উচ্চ শিক্ষাৰ প্ৰতিষ্ঠান সমূহত শিক্ষকৰ নাটনিৰ সময়ত ঠিকাভিত্তিক শিক্ষক সকলেই আছিল কলেজ-বিশ্ববিদ্যালয় সমুহৰ একমাত্ৰ সাৰথি৷কিন্তু ঠিকাভিত্তিক শিক্ষক সকলক অব্যাহতি দিয়া প্ৰক্ৰিয়া আৰম্ভ হোৱাৰ লগে লগে,ৰাজ্যৰ প্ৰতিখন উচ্চ শিক্ষাৰ প্ৰতিষ্ঠানেই এতিয়া গতি কৰিছে ব্যাপক অচলাৱস্থাৰ দিশে৷
