টি ২০ দলৰ আধিনায়ক হিচাপে ৫০ খন মেচ খেলিছে বিৰাট কোহলিয়ে ৷ ৩২ খন বিজয়, ১৬ খনত পৰাজয় ৷ ২ খনৰ ফলাফল অমিমাংসিত ৷ কোহলিৰ নেতৃত্বত এইবাৰেই প্ৰথম টি ২০ বিশ্বকাপত অৱতীৰ্ণ হৈছিল ভাৰত৷ কিন্তু ফলাফল আশ্প্ৰদ নহ’ল ৷ ইয়াৰ পাছতেই বিৰাট কোহলিয়ে টি ২০ দলৰ অধিনায়কৰ দায়িত্ব ত্যাগ কৰাটোও যেন নিশ্চিত হৈ পৰিছে ৷
বিশ্বকাপৰ পৰা বাহিৰ হ’লেও সোমবাৰে নামিবিয়াৰ বিৰুদ্ধে বিজয়েৰে অভিযান সামৰিলে ভাৰতে ৷তাৰ পাছত টি ২০ দলৰ অধিনায়ক হিচাপেও শেষ বাৰ্তা দিলে বিৰাট কোহলিয়ে ৷ টুইটাৰত তেও লিখিলে –‘আমি একেলগে নিজৰ লক্ষ্যৰ দিশে আগুৱাই গৈছিলো ৷ কিন্তু শেষ লক্ষ্যত উপনীত হ’ব নোৱাৰিলো ৷ ইয়াৰ বাবে আমাতকৈ বেছি কষ্ট কোনেও পোৱা নাই ৷ আপোনালোকৰ পৰা যি সমৰ্থন পাইছো , সেয়া অতুলনীয় ৷ ইয়াৰ বাবে আমি কৃতজ্ঞ ৷ প্ৰতিজ্ঞা কৰিছো যে আমি আৰু অধিক শক্তিশালী হৈ উভতি আহিম ৷’
অহা ১৭ নৱেম্বৰৰ পৰা নিউজিলেণ্ডৰ লগত আন এটা টি ২০ চিৰিজত অংশ ল’ব ভাৰতে ৷ তেতিয়ালৈকে ৰাহুল দ্ৰাবিড়ে ভাৰতীয় ক্ৰিকেট দলৰ প্ৰশিক্ষকৰ দায়িত্ব ল’ব ৷ ক্ৰিকেট ব’ৰ্ডে ঘোষণা কৰিব দলৰ নতুন অধিনায়কৰ নাম ৷
