সোৱণশিৰি জলবিদ্যুৎ প্ৰকল্পত খহি পৰিল টানেল , মৃত্যু শ্ৰমিকৰ

নামনি সোৱণশিৰি জলবিদ্যুৎ প্ৰকল্পত সংঘটিত হৈছে এক বৃহৎ অঘটন ৷ মূল বান্ধলৈ পানী আহিবৰ বাবে নিৰ্মান কৰি থকা ইনটেক্ট টানেল খহি পৰাৰ ফলতেই এজন শ্ৰমিকৰ মৃত্যু হয় ৷ নিহত শ্ৰমিকজন গোগামুখৰ জিতু হাতীবৰুৱা বুলি জানিব পৰা গৈছে ৷

অহা আগষ্ট মাহৰ পৰা বিদ্যুৎ উৎপাদনৰ লক্ষ্যৰে নামনি সোৱণশিৰি জলবিদ্যুৎ প্ৰকল্পৰ শেষ পৰ্যায়ৰ নিৰ্মানকাৰ্য চলি আছে ৷ মূল বান্ধলৈ পানী বোৱাই আনিবৰ বাবে নিৰ্মান কৰি থকা হৈছে ৮ টাকৈ টানেল ৷ ইয়াৰে ২ নং টানেলটো খহি পৰাৰ ফলত শ্ৰমিকজন আৱদ্ধ হৈ পৰে ৷

উল্লেখ্য যে অৰুণাচল প্ৰদেশৰ থুনুকা পাহাৰত নামনি সোৱণশিৰি জলবিদ্যুৎ প্ৰকল্পৰ নিৰ্মান কৰি থকা হৈছে ৷ অসমৰ বিশেষজ্ঞ সমিতিয়ে এই বিপজ্জনক দিশসমূহ বাৰম্বাৰ আঙুলিয়াই দিয়াৰ পাছতো কেন্দ্ৰীয় চৰকাৰে আকোৰগোজ মনোভাৱেৰে আগষ্টৰ পৰা বিজুলী উৎপাদনৰ কাম আৰম্ভ কৰিবলৈ লৈছে ৷ ইয়াৰ শেষ পৰ্যায়ৰ কাম চলি থকা অৱস্থাতেই আজি এই বৃহৎ অঘটন সংঘটিত হয় ৷