Investigative reporting with dedication.
ভাৰতীয় বায়ুসেনাই শেহতীয়াকৈ অন্তৰ্ভুক্ত কৰা ৰাফেল যুঁজাৰু বিমান সম্পৰ্কে মত পোষণ কৰিছে ভাৰতীয় সেনাৰ লেফ্টেনেণ্ট কল’নেল হিচাপে সন্মানিত তথা জনপ্ৰিয় ক্ৰিকেটাৰ মহেন্দ্ৰ সিঙ ধোনীয়ে।ৰাফেল যুদ্ধ জাহাজ ভাৰতীয় বায়ুসেনাত অন্তৰ্ভুক্ত কৰাক লৈ মন্তব্য দি মহেন্দ্ৰ সিঙ ধোনীয়ে কয় যে বিশ্বৰ শ্ৰেষ্ঠ যুঁজাৰু বিমান কেইখনে আজি বিশ্বৰ শ্ৰেষ্ঠ যুঁজাৰু পাইলত লাভ কৰিছে।ভাৰতীয় বায়ুসেনাৰ পাইলত আৰু অন্যান্য যুঁজাৰু বিমান সমূহৰ সৈতে ৰাফেল অনন্য মাত্ৰা লাভ কৰিব বুলিও মত পোষণ কৰে ভাৰতীয় ক্ৰিকেটৰ হাৰ্ট থ্ৰ’ব জনে।
With the Final Induction Ceremony the world’s best combat proven 4.5Gen fighter plane gets the world’s best fighter pilots. In the hands of our pilots and the mix of different aircrafts with the IAF the potent bird’s lethality will only increase.
— Mahendra Singh Dhoni (@msdhoni) September 10, 2020
উল্লেখযোগ্য যে ভাৰত আৰু চীনৰ মাজত চলি থকা সীমা বিবাদৰ মাজতে আজি ৫ খন ৰাফেল যুদ্ধ জাহাজ আম্বালা এয়াৰবেছত আনুষ্ঠানিকভাৱে বায়ুসেনাত অন্তৰ্ভুক্ত কৰা হ’ল। ৰাফেলক আনুষ্ঠানিক ভাৱে বায়ুসেনাত অন্তৰ্ভুক্ত কৰাৰ অনুষ্ঠানত অংশ গ্ৰহণ কৰে দেশৰ প্ৰতিৰক্ষা মন্ত্ৰী ৰাজনাথ সিং, ফ্ৰান্সৰ প্ৰতিৰক্ষা মন্ত্ৰী ফ্লোৰেন্স পাৰ্লি, চিডিএছ বিপিন ৰাওত, বায়ু সেনাৰ সেনাধ্যক্ষ আৰকেএছ ভদৌৰিয়কে ধৰি আন কিছু গুৰুত্বপূৰ্ণ ব্যক্তি।
