সত্যৰ সন্ধানত প্ৰতিদিন, প্ৰতিপল

কাশ্মীৰী পণ্ডিতৰ হত্যাকাৰী নিহত

কাশ্মীৰী পণ্ডিতৰ হত্যাৰ লগত জড়িত দুটা সন্ত্ৰাসবাদীক মঙলবাৰে নিৰাপত্তাৰক্ষীয়ে গুলীয়াই হত্যা কৰে৷পুলৱামাৰ পদগমপৰা গাঁৱত আৰক্ষী-সেনা আৰু সন্ত্ৰাসবাদীৰ মাজত হোৱা সংঘৰ্ষত নিহত হয় সন্ত্ৰাসবাদী দুটা।জম্মু কাশ্মীৰ আৰক্ষীয়ে এক টুইটাৰ বাৰ্তাত জনাইছে ‘ ইতিমধ্যে আকিব মুস্তাক ভাট নামৰ সন্ত্ৰাসবাদীটো নিহত হৈছে।সন্ত্ৰাসবাদীটো হিজবুল মুজাহিদীন নামৰ সন্ত্ৰাসবাদী গোটৰ লগত জড়িত আছিল।কাশ্মীৰী পণ্ডিত সঞ্জয় শৰ্মাৰ হত্যাকাণ্ডৰ লগত এই সন্ত্ৰাসবাদীটো জড়িত।’মঙলবাৰে নিশাৰ ভাগৰ পৰাই পুলৱামাৰ অৱন্তীপাৰাত আৰক্ষী -নিৰাপত্তাৰক্ষীয়ে অভিযান চলাইছিল।এক গোপন সূত্ৰৰ পম খেদি আৰক্ষীয়ে তাত সন্ত্ৰাসবাদীয়ে আত্মগোপন কৰি থকাৰ খবৰ লাভ কৰিছিল।সেই খবৰৰ ভিত্তিতেই অঞ্চলটোত অভিযান চলোৱা হৈছিল বুলি আৰক্ষী সূত্ৰই প্ৰকাশ কৰিছে।

Leave A Reply

Your email address will not be published.