Investigative reporting with dedication.
আজি পৰিসংখ্যা আৰু আঁচনি ৰূপায়ন মন্ত্ৰালয়ে ভাৰতৰ অৰ্থনৈতিক উন্নয়নৰ হাৰ যোৱা এপ্ৰিল ৰ পৰা জুন মাহলৈ ঋণাত্মক বুলি জানিব দিছে। ভাৰত চৰকাৰৰ এই তথ্য অনুসৰি যোৱা তিনি মাহত ভাৰতৰ GDP হৈছে -২৩.৯%।
ভাৰতৰ অৰ্থনৈতিক দুৰৱস্থাৰ কথা যোৱা কেইবাদিনো ধৰি চর্চা চলি আছিল আৰু অৰ্থনৈতিক উন্নয়নৰ হাৰ যে ঋণাত্মক হ’ব সেই কথা বহুতো অৰ্থনৈতিক বিশেষজ্ঞই দাবী কৰি আহিছিল।
উল্লেখযোগ্য যে এপ্ৰিল , মে’ মাহত সমগ্ৰ ভাৰতবৰ্ষ জুৰি লকডাউন পালন কৰা হৈছিল। গতিকে এই তিনি মাহৰ অৰ্থনৈতিক উন্নয়নৰ হাৰ ঋণাত্মক হোৱাটোৱে স্বাভাৱিক। আজিৰ প্ৰকাশ পোৱা এই তথ্য অনুসৰি উদ্যোগ খণ্ডত GDP হৈছে -৩৮.১%, সেৱা খণ্ডৰ GDP হৈছে -২০.৬%, নিৰ্মান তথা উৎপাদন ক্ষেত্ৰত GDP হৈছে -৩৯.৩% আৰু হোটেল খণ্ডৰ GDP হৈছে -৪৭%। অৱশ্যে কৃষি খণ্ডৰ উন্নয়নৰ হাৰ ধনাত্মক অৰ্থাৎ ৩.৪%।
