সত্যৰ সন্ধানত প্ৰতিদিন, প্ৰতিপল

কমতাপুৰৰ দাবীৰে সাক্ষাৎ মুখ্যমন্ত্ৰীক

অসমৰ মুখ্যমন্ত্ৰী ড° হিমন্ত বিশ্ব শৰ্মাক ৫ ডিচেম্বৰত কোচ ৰাজবংশী জাতীয় পৰিষদ , কোচ- ৰাজবংশী সাহিত্য পৰিষদ আৰু কোচ- ৰাজবংশী মহিলা পৰিষদৰ নেতৃবৃন্দই সাক্ষাৎ কৰি স্মাৰকপত্ৰ প্ৰদান কৰে। কোচ- ৰাজবংশী জাতীয় পৰিষদৰ সাধাৰণ সম্পাদক বিশ্বজিৎ ৰায়ে কয় যে কমতাপুৰ ৰাজ্যৰ দাবীটো ৰাজনৈতিক ভাবে সমাধান কৰাৰ বাবে মুখ্যমন্ত্ৰীক সঠিক পদক্ষেপ ল’বলৈ আহ্বান জনাই সংগঠন কেইটাৰ নেতৃবৃন্দই৷তদুপৰি কোচ-ৰাজবংশী সকলক অনুসূচিত জনজাতিৰ মৰ্যাদা প্ৰদান কৰাৰ দাবী জনাই সংগঠন কেইটাই৷সংগঠনৰ নেতৃবৰ্গই ইয়াৰ ওপৰি সশস্ত্ৰ সংগঠন কেএলঅ’ক অতিশীঘ্ৰে আলোচনাৰ মেজলৈ আনি কমতাপুৰ ৰাজ্য গঠনেৰে শান্তি চুক্তি কৰাৰ আহ্বান জনায়।কোচ-ৰাজবংশী ভাষাক সাংবিধানিক স্বীকৃতি প্ৰদান কৰাটোও তেওঁলোকৰ অন্যতম দাবী। KACক ষষ্ঠ অনুসূচিত KTC/UTC লৈ উন্নীতকৰণ কৰা, বঙাইগাঁও জিলাত চিলাৰায় সাংস্কৃতিক প্ৰকল্প স্থাপন কৰা,বিজনী আৰু চিদলী ৰাজ ঐতিহ্য সংৰক্ষণ কৰাৰ লগতে পৰ্যটকৰ স্থান হিচাপে গঢ়ি তোলা,বিটিচিৰ কোচ-ৰাজবংশী সকলক সকলো দিশতে সুৰক্ষা প্ৰদান কৰাৰ দাবী জনাই সংগঠন কেইটাই।

Leave A Reply

Your email address will not be published.