সত্যৰ সন্ধানত প্ৰতিদিন, প্ৰতিপল

কৃষক বিদ্ৰোহে সমস্যাত পেলাব বিজেপিক : আৰ এছ এছৰ আশংকা

পাঁচ ৰাজ্যৰ আসন্ন বিধানসভা নিৰ্বাচনত বিজেপিৰ বাবে মাথা – ব্যাথাৰ কাৰণ হৈ উঠিব পাৰে কৃষক বিদ্ৰোহ ৷ আৰ এছ এছৰ দুদিনীয়া পৰ্যালোচনা বৈঠকত এই আশংকাই ব্যক্ত কৰা হৈছে ৷সংঘৰ নেতাসকলৰ পৰ্যবেক্ষণ অনুসৰি কেন্দ্ৰীয় চৰকাৰে শীঘ্ৰে কৃষক নেতাসকলৰ লগত আলোচনা কৰি বিষয়টোৰ এটা মিমাংসা কৰা উচিত ৷ নহ’লে পঞ্জাৱত বিজেপিয়ে ভাল ফল দেখুওৱাটো অসম্ভৱ ৷ কেৱল পঞ্জাৱেই নহয় , পশ্চিম উত্তৰ প্ৰদেশতো সমস্যাৰ সন্মুখীন হ’ব দলটো ৷

শুকুৰবাৰ আৰু শণিবাৰে নাগপুৰত অনুষ্ঠিত হয় আৰ এছ এছৰ পৰ্যালোচনা বৈঠক ৷ এই বৈঠকত গোৱা , মণিপুৰ , উত্তৰ প্ৰদেশ আৰু উত্তৰাখণ্ডৰ আসন্ন নিৰ্বাচন সন্দৰ্ভত আলোচনা কৰা হয় ৷ পৰ্যালোচনাত এটা কথা স্পষ্ট হৈ পৰে যে পঞ্জাৱত বৰ্তমান বিজেপিৰ স্থিতি আটাইতকৈ বেয়া ৷ যদিহে বিজেপিয়ে কৃষক বিদ্ৰোহৰ সমাধানসূত্ৰ উলিয়াব নোৱাৰে তেনেহ’লে ৰাজ্যখনত ভাল ফল দেখুওৱাটো অসম্ভৱ ৷একেদৰে ইয়াৰ প্ৰভাৱ পশ্চিম উত্তৰ প্ৰদেশৰ নিৰ্বাচনতো পৰাৰ আশংকা ব্যক্ত কৰা হৈছে ৷

 

Leave A Reply

Your email address will not be published.